Bandièra01 1180x150: País Invisible

Actualitats

Irlanda del Nòrd: creis lo vandalisme gaelofobic

Los atacs contra la senhaletica tota en gaelic o sonque bilingua se son multiplicats aquestas darrièras annadas

| Tuairisc

Tèxte legit

A crescut lo vandalisme gaelofobic en Irlanda del Nòrd. Los atacs contra los panèls en gaelic o bilingües anglés-gaelic aumentan cada an: en 2015, se’n raportèt 5 e en 2021 mai d’una centena. Las comunas del país planhon d’aver despensat fins a 40 000 liuras esterlinas aquestas darrièras cinc annadas a causa de 300 atacs contra la senhaletica en lenga pròpria del país, çò rapòrta Tuairisc que cita Belfast Live.
 
Segon l’elegida Leeanne McEvoy, del Sinn Féin, aqueles atacs mòstran “de desconsideracion, una manca de respècte e d’òdi envèrs la lenga irlandesa”. Per ela, cal que los pannèls bilingües “sián respectats e protegits”, coma se passa en Escòcia. A mai, demanda que qual qu’aja d’informacion suls atacs contacte las autoritats. Dins un afar, arunan a Newtown, la polícia descriguèt una agression contra un panèl de circulacion bilingüe que se qualifiquèt de “crime d’òdi”.



abonar los amics de Jornalet

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

francesc palma
1.

La Roiolo Noivis fotetz al camp d'Irlanda ! Paracaigudistas anglesos arruis ! Irlanda unida, fora l'exercit britanics !

  • 4
  • 2

Escriu un comentari sus aqueste article