Sempre la vida

Un camin dança jos un pas de papièr
Un dessenh que canta un rire leugièr
Un silenci respira e mai que s’estira
 

Plancas de batèus
Castèls de mar, de sable
Vos perdatz pas tròp luènh
 

Sempre la vida
Sempre la lutz
Per abraçar lo monde
E per deman téner
 

Sempre la vida
A l’azard de sa man
La vida la lutz
 

Se cada jorn viscut me sembla passar lèu
Es que dins l’agach nud i a pas res de mièlhs
De blanc fait d’innocéncia e mai de paciéncia
 

Plancas de batèus
Naveguetz pas tròp luènh
Avètz encara temps
 

Repic

Ensemble sentir
Per abraçar de bèl
Legir dins vòstres uèlhs

Sempre la lutz
A l’azard de son buf
La vida la lutz

Sempre sempre

Oxitònia
Bastiram un país nau
damb paraules oxitones,
tà que non mos hèsquen mau
ne damb bombes ne damb hones
 
non credem enes pistòles
ne tanpòc enes gabiòles,
esborrem es epitafis
desbastim es cenotafis
 
non volem cap mès monarca
qu’eth nòste rei: Sent Pançard,
mo’n trufaram dera Parca
e viueram ar azard

aboliram es doctrines,
cremaram es guilhotines,
qu’èm un pòble atalentat
de bistèc e libertat
 
desarmaram as soldats
e lançaram en abisme
toti es ismes impausats,
servitud, colhonialisme
 
entà tornar a començar,
damb pro temps tà romançar
e soniar un nau avier
qu’entre toti haram a vier