Bandièra01 capçalera  1180x150: Novestivada

Actualitats

crotz-tolosaCreated with Sketch.ProvençaProvençaCrau

Romieg Jumeau es mòrt a 92 ans

President del Credd’o, engatjat per la lenga e lo país, escriguèt una dotzena d’obratges en occitan

Romieg Jumeau foguèt president del Credd’o, a Graveson (Crau), en tot bailejar una font màger de documentacion de la cultura d’Occitània entièra
Romieg Jumeau foguèt president del Credd’o, a Graveson (Crau), en tot bailejar una font màger de documentacion de la cultura d’Occitània entièra | MN / Aquò d’Aquí

Tèxte legit

L’escrivan e militant occitanista provençal Romieg Jumeau nos a quitats a 92 ans, çò rapòrta Aquò d’Aquí. Engatjat dempuèi longtemps per la lenga e al país, foguèt pas solament un escrivan de tria mas tanben collaborèt amb Robèrt Lafont dins un projècte politic dins los ans 1990.
 
Jumeau a publicats d’obratges de ficcion dins totes los genres: Cronicas imaginàrias, Embolha a Malamosca, Aplològs, La granda timonariá, L’esclargiera, o encara Rèire-Vida, en generau a IEO Edicions.
 
Foguèt president del Centre de Rescòntres, Estudis, Documentacion e Difusion d’Òc (Credd’o), a Graveson (Crau), en tot bailejar una font màger de documentacion de la cultura d’Occitània entièra.
 
Dins son enterrament, sos amics del Credd’o li an ramentat lo Crèdo de Cassian, de Victor Gelu:
 
A perir tot entier, que serviriá de néisser!
Dieu, que li vi tan lunh, nos forgèt pas per ren:
En morent regrilham; l’òme quand dispareisse,
Va puplar leis estelas au fons dau firmament!
 
 
 
 
De legir sus Aquò d’Aquí: Romieg Jumeau se’s enanat.
 
 

abonar los amics de Jornalet

 

 
 
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pitaluga
2.

Sembla que i a quicòm que lor prusís del costat del Clapas !

  • 1
  • 0
Laurent Gosset
1.

Romieg Jumèu qu era un deus escrivans màgers deu segle XXI, dilhèu pas pro coneishut pr amor n era pas estat professor d occitan a l universitat de Montpelhier e qu escriveva, macarèu, en provençau.

  • 17
  • 26

Escriu un comentari sus aqueste article