Bandièra01 1180x150: La Passem

Actualitats

PoliticaSocietat

Los gilets jaunes an jonch las protèstas contra lo passador vaccinal

Los mèdias franceses comptan aperaquí 42 000 manifestants dins las màgers vilas de l’estat

| @NaphtalineLeBon

Tèxte legit

Las protèstas contra lo passador sanitari dins l’estat francés an pres una nòva dimension. En mai de protestar contra lo nòu passador qu’a partir de uèi restrenh encara mai las activitats dels non-vaccinats, los manifestants an protestat contra la reforma de las pensions, lo caumatge e l'injustícia sociala e fiscala, demest d'autras politicas.
 
A partir d’uèi, lo passador vaccinal remplaça lo passador sanitari per accedir a las activitats de léser, als bars e restaurants, als pargues d’atraccions e al transpòrt public entre regions.
 
Los mèdias franceses mençonan unes 42 000 manifestants dins las principalas vilas de l’estat, dont tanben las occitanas. Segon de donadas oficialas, las manifestacions an amassat un milièr de personas a Marselha, 1300 a Tolosa, e qualques centenats a Ais de Provença, Bordèu, Clarmont-Ferrand, Niça, Nimes ...
 
Mas l’atencion de la majoritat dels mèdias s’es centrada sus Perpinhan, a causa de l’agression que l’a patida lo deputat catalan de La Republica en Marcha Romain Grau.

 
 
 
 
 
 
 
 
 
 
abonar los amics de Jornalet
 
 

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Mèfi! 31
2.

La jonccion de las luithas es una forma de resisténcia collectiva de protèstas individualas, contra un poder, o mai una opinion generala majoritària. La manifestacion es un espaci d'expression publica del monde se sentent individualment sense votz dins le quadre de la democracia en plaça.
Deguna opinion non fa pas consèns enlòc, nimai degun poder. Le Macron cristalliza una protèsta màger sense endralhar un moviment politic unit capaç de victòria electorala, e aquò es "emmerdant".
Per quant a jónher de passa-carrièiras sense masqueta ni distanciacion, emai violents, en despièith de la pandèmia correnta, i a un pas de franquit al delai de la libertat d'opinion, e que pòrta prejudici a la santat publica, qu'es d'opportunisme sense limits.
Le posicionament dels responsables politics o les candidats a las eleccions presidencialas temptats d'una recuperacion ne fairàn le calcul e ne veiràn se la resulta es productiva.

  • 16
  • 4
pierre lachaud
1.

Merces a los que manifestan.
Que pensar de Jornalet que totjorn se plaça au-dessus daus manifestants coma si los manifestants eran daus objects de decoracion?
Quatre estialas que morigueran, pas tant vielhas qu'aquò, l'òm se damanda de que son mòrtas, si eran vaccinadas o pas. La dictatura sanitaria qu'es en plaça; nurit los merchands de vaccins e medicaments au detriment de la vertardiera.santat.
E, totjorn de minimisar lo nombre de participants.
Alaidonc merda a macron e merde a Jornalet.

  • 7
  • 26

Escriu un comentari sus aqueste article