Bandièra01 1180x150: Comuna de Tolosa

Actualitats

Puerto Rico: an tombada l’estatua del primièr governador per protestar contra la vesita del rei d’Espanha

Felip VI es dins l’illa de la mar Cariba per participar als actes de commemoracion dels 500 ans de la fondacion de San Juan de Puerto Rico

Tèxte legit

Sus una plaça del centre vila de San Juan, d’activistas independentistas de Puerto Rico an tombada l’estatua de Juan Ponce de León, que foguèt lo primièr governador espanhòl (1508). Los faches se son passats qualques oras abans l’arribada del rei d’Espanha, Felip VI, dins l’illa de la mar Cariba, ont participarà als actes de commemoracion dels 500 ans de la fondacion de la vila.
 
La destruccion de l’estatua l’a revendicada un grop nomenat Fòrças Libertàrias de Borikén dins un comunicat que ditz: “Pas de reis, pas de yankees envasidors; Borikén es nòstre. Juan Ponce de León, que foguèt lo primièr governador impausat per la tirania d’Espanha fa mai de 500 ans representa lo pièger.” Borikén es lo nom de l’illa en lenga taïno.

 


abonar los amics de Jornalet

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
5.

Exacte,el que va pasar a Amèrica a paritr del descobriment, es una salvatjada que encara dura, dictadors, cacics, terratinents, corrupció, etc. i a mes han destruit el Paradís, herencia ispana.
I sobretot sense cap remordiment i en tota consciencia.
Així que els ispans no son benvinguts ni a Patxamama, ni a la meva Terra, doncs han desturit tot el que han tocat.
Aixís que:
Visca la Terra...lliure!
L'Ernest, "El Tàrrega".

  • 1
  • 0
francesc palma
4.

I a gent qu'es crese que la colonizacion per part de la Corona de Castelha foguet una basa d'oli. Las conquestas sempre son a base de morts e ja al començament quan Colom se n'anet a navegar des de l'ilha de Santo Domingo, quan tornet lo renharen perquè se n'avia anat e los indigenas avian destruït lo fort qu'avian fait los castellans quan arribare. Colom no era guerrer ni militar sinon lo melhor mariner e lo mai gran descobridor catalan qu' a existit.

  • 5
  • 0
Portugaliza Pau
3.

Qu'èm numerós pòbles a estar sosmés au regime borbònic.
Viva Galiza ceive e visca Porto Rico.
Avalisca lo rei!

  • 15
  • 2
Franc Bardòu
2.

#1 Çò que m'afastiga tanben es quand dison de Pau Casals qu'el seriá estat "exiliat" a Pradas. Aquel artista meravilhós, si que foguèt refugiat a Pradas, mas non pas "exiliat" !!! Cossí un ciutadan catalan poiriá èsser "exiliat" en Catalonha ? Aquò es una inepcia. En qualitat d'escrivan occitan, poiriái, a la rigor, èsser exiliat a Barcelona, mas de ges de biais non sauriái èsser exiliat a Vièlha, en Val d'Aran occitan.

  • 18
  • 2
Pitaluga
1.

An plan fach.
Lo rei d'Espanha d'ara es piéger que lo qu'i aviá quand Ponce de León venguèt gobernador de Puerto Rico.
Es pas un azard se pòrta lo nom de son abans-passat, Felipe V, lo primièr Borbon, absolutista, intolerant, massacraire de las populacions del reiaume d'Aragon per fin d'impausar la lei castelhana a de pòbles que, tot en apertenent al metais reiaume, se menavan per lors pròprias leis.
En França se ditz pas jamai que la guèrra de conquèsta de Catalonha durèt onza longas annadas. E una de mai per las Balearas.
Òm se pòt demandar dins quina mesura lo Franco intervenguèt o pas (benlèu se trachava pas que de li far plaser per daissar pas escapar la corona qu'el fasiá oscillar entre lo Juan Carlos e l'Alfonso de Borbon) dins la causida del pichòt nom de l'eiretièr al tròne.

A Puerto Rico, li cal una estatua de Pau Casals, exiliat aval, que son pichòt nom es omonim de "patz" en catalan. Es un escarni quand los franceses, e quitament pel festenal de Prada de Conflent, en Catalonha Nòrd (!), lo sònan "Pablo". Al mens a París, la plaça que li es dedicada pòrta lo nom de "Pau Casals" coma cal.
Pau Casals moriguèt en exili e tornèt pas jamai dins son país on la dictatura contunhava. Pas coma lo Pablo (Picasso) qu'i anava per veire de corridas amb la jet-set de l'epòca.
França a causit : quantes establiments d'ensenhament que se sonan "Pau Casals" ? Quantes que se sonan "Pablo Picasso" ?

  • 16
  • 3

Escriu un comentari sus aqueste article