Bandièra01 1180x150: Comuna de Tolosa

Actualitats

crotz-tolosaCreated with Sketch.LengadòcLengadòc NautTolosan

Nòu Sòrres Triò animaràn ongan la jornada del libre occitan

Micheu Chapduelh, Maria Joana Verny, Mans de Breish e Didier Tousis al programa de l'eveniment

| Nòu Sòrres Triò

L'espectacle de contes de Micheu Chapduelh clavarà la Jornada del Libre occitan que se debanarà dimenge que ven a Sent Orenç (Tolosan). Al programa i aurà una conferéncia de Maria Joana Verny sus Robèrt Lafont e Robèrt Allan, un batalís sus "libres occitans en bibliotèca" e l'encontre "escriure per cantar" amb Mans de Breish e Didier Tousis.


Pendent tota la jornada i aurà un mercat del libre, musica amb Nòu Sòrres Triò e l'exposicion del CIRDOC "Patrimòni en òbra".
 
La Jornada del libre occitan es un eveniment organizat per Letras d'òc que permet de parlar amb los autors e los editors (Fédérop, Vent terral, IEO-Ideco, Letras d'òc, CapÒc, Jorn, Lo Clusel, Novelum, I.E.O. Lengadòc, I.E.O. Arièja, Lo Leberaubre, Presses Universitaires de la Méditerranée, etc.), de descobrir los nòus libres e las parucions recentas, de crompar libres en occitan, vielhs o naus e de participar activament al programa.
 
La Jornada se debanarà dimenge que ven, 29 d'abril, al Castèl Catalan de Sent Orenç (Tolosan).

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

garric
10.

Perqué pas aveire sus la primièira pagina la partida principala reservada als articles e fotòs d'informacion generalista, tala coma es actualament, e endacòm una colona ambe una tièira de ligams per las anóncias e infòs factualas e localas, occitanas o altras. Seriá un biais de ierarquizar.

  • 0
  • 1
Alan Roch Carcassona
9.

Garric, dimenge, te val mai anar a St-Orens qu'a Montoliu !!!!!!!!!!!!!!!!!!!!!!!!!!!!!!!!!!!!!!!
Mai generalament : es benlèu/probable una question de presentacion, mas se un jornal occitan met pas en abans unes rendètz-vos occitans bèl, per l'ora : qual ba farà ?

  • 3
  • 0
Julien St-Miquèu-de-Riufred
8.

#7 Soi d'acòrdi dab l'analisa (mensh bruta que la declaracion #1 !) Pensi qu'es sonque una question visuau, pas una question d'ambicion.

  • 0
  • 0
garric
7.

Francament, a l'ora de la repression en Siria e la crisi financièira mondiala, cresètz qu'es lo ròtle d'un medià generalista de faire un titól gròs sus un triò de cantaira que va animar lo salon del libre de Montoliu. Cresètz que los sitis grands d'informacion te fan aital en primièira pagina de las anonciòtas per los amics ? Es temps de se sortir lo nas del monilh. Lo Jornalet es un medià bravament ambiciós e un grand espèr per l'occitanisme, es per aquò que mande ma critica.

Disi pas qu'aquela infò es inutila, mas relèva d'una rubrica d'anóncias, localas o culturalas.


  • 2
  • 2
Alan Roch Carcassona
6.

Localista, un recampament amb editors de tot lo país occitan, amb una charradissa sus un poèta provençal, l'intervencion d'un contaire de Peiregòrd... ? Benlèu mens que lo salon del libre de Brive que fa la una de la premsa parisenca vist qu'es un desplaçament localista del tot-París en Provincia !!! Dins Aude, avèm arrestat Escritura jos aquela fòrma de jornada (Salon + discutida) a Montoliu que tenguèt còp un vintenat d'annadas. La Jornada del Libre de St-Orens es a prene lo relai - e fòrça plan - : ÒSCA !!! E que lo libre siá mes en abans en aqueste moment ont los libraris ne prenon plen lo morre, que la TVA aumenta... es una plan bona causa !

  • 9
  • 0

Escriu un comentari sus aqueste article