Actualitats
La nòva capitala d’Indonesia s’apelarà Nusantara, “Illa del Mièg”
Jakarta, que demorarà capitala economica, es sensibla a las inondacions provocadas pel cambiament climatic
Tèxte legit
Lo parlament de Jakarta adoptèt, dimars 18 de genièr, lo projècte de lei autorizant la mudança de la capitala actuala, Jakarta, de l’illa de Java estant, cap a Kalimantan, sus l’illa de Bornèo. La primièra etapa del transferiment es prevista en 2024, e implicarà lo desplaçament de 25 000 foncionaris cada annada fins a 2027. Lo còst de la construccion d’aquela “Illa del Mièg” dins l’èst de Kalimantan es estimat a 32 miliards de dolars, un montant que serà finançat al 19 % per l’estat indonesian, la rèsta per d’investiments privats venguts del conglomerat japonés SoftBank o dels Emirats Arabis Units, çò rapòrta Courrier International.
Jakarta, una vilassa victima d’auvaris climatics
Jakarta, que demorarà capitala economica, es sensibla a las inondacions provocadas pel cambiament climatic. En febrièr de 2021, de barris nombroses foguèron saquejats a causa de pluèjas torrencialas qu’obliguèron a l’evacuacion de milièrs de personas. La vila patís tanben un enfonzament provocat pel pompatge de las napas freaticas. Segon National Geographic, Jakarta s’aprigondís de “30 centimètres per an jol nivèl de la mar”. La situacion sembla de s’agreujar d’annada en annada a mesura que lo nivèl global dels oceans aumenta. Per tant, fàcia a la multiplicacion dels problèmas de foncionament ligats a la subrepopulacion, lo president Joko Widodo decidiguèt la creacion d’una nòva capitala.
Un projècte desmesurat qu’inquieta los ecologistas malgrat las anóncias
La nòva capitala que se deuriá espandir sus una superfícia de 3000 ectaras, puèi aténher 200 000 a 300 000 ectaras, es presentada coma una “vila verda”, çò rapòrta L’Info Durable. Lo president d’Indonesia parlèt de ciutat “zèro emission”, amb de “transpòrt exclusivament electric”, e de “vila dins lo bòsc”. Tre decembre de 2019, Joko Widodo aviá promés durant un desplaçament sul sit de la futura vila que la ministra de l’environament e dels bòsques començariá d’installar una plantolièra de 100 ectaras semenada de 17 milions de plantas, çò raportava Courrier International. Del caire energetic, una tièra d’entrepresas localas e estrangièras an començat de crear un pargue industrial dich verd alimentat per de centralas idroelectricas e solaras. Una manièra de recuperar un cèrt retard que lo patís Indonesia dins lo desvolopament de las energias renovelablas.
Ça que la, malgrat las ambicions verdas mostradas pel president indonesian, lo projècte de mudança suscita de nombrosas criticas. Sul plan ecologic primièr: la region indonesiana de l’illa de Bornèo abriga lo pargue natural forestièr de Bukit Soeharto que s’espandís sus 61 850 ectaras e qu’es conegut per aculhir d’espècias vegetalas e animalas fòrça divèrsas. La construccion de la nòva capitala poiriá representar una menaça per aquel espaci protegit.
Bornèo es tanben abitada per de populacions autoctònas que riscan d’èsser expulsadas. “Almens 20 000 personas qu’apertenon a 21 grops indigènas vivon dins aquela zòna”, çò indica l’AMAN (Aliança dels pòbles indigènas de l’archipèla). Cap de mesura es pas prevista a l’ora d’ara per tal de protegir los dreches fonzièrs d’aqueles pòbles.
Nusantara, un nom per una marca
Lo quotidian indonesian Kompas explica l’etimologia del nom Nusantara causit pel president Joko Widodo per la futura capitala.
“Sus la pagina del Ministèri de l’Educacion, de la Cultura, de la Recèrca e de la Tecnologia, que cita lo Grand Diccionari indonesian, lo mot nusantara designa l’ensemble de l’archipèla indonesian”, çò rapòrta Kompas, “Bossòla”, qu’es lo mai grand quotidian indonesian, considerat coma lo periodic de referéncia per aquel país.
Aqueste nom, causit pel president Joko Widodo per la futura capitala que la sómia dempuèi 2019, apareguèt plan abans la Republica Indonesiana en 1945. D’origina sanscrita, es compausat de dos mots javaneses ancians: nusa, “illa”, e antara, “entre”, “mièg”.
Lo quotidian indonesian explica que foguèt inventat “al segle XIV pel poderós reialme indobodista javanés de Majapahit per designar son esfèra de conquista o d’influéncia, çò es una sèria d’illas situadas entre los continents asiatic e oceanian, inclusa tanben la peninsula malesa”. Tombat dins l’oblit durant mai d’un sègle, foguèt reütilizat dins los ans 1920 per Ki Hajar Dewantara, una figura del nacionalisme indonesian, coma alternativa al nom donat pels colons olandeses a lors “Índias orientalas neerlandesas”.
Un nom emplegat a totas las sauças per far la promocion d’Indonesia
Dempuèi qualques annadas, nusantara es venguda la marca dels produches culturals d’Indonesia. Se parla d’“islam nusantara” per soslinhar lo caractèr tolerant dels musulmans indonesians o encara de “batik nusantara” (tecnica javanesa d’impressions dels teissuts). Lo ministre de la planificacion del desvolopament nacional, Suharso Monoarfa, a declarat a prepaus d’aquò a Kompas: “Nusantara es nòstre lèma als escalons nacional e internacional, es un nom de bon prononciar e que descriu perfièchament l’estat-archipèla qu’es la Republica Indonesiana.”
Jakarta, una vilassa victima d’auvaris climatics
Jakarta, que demorarà capitala economica, es sensibla a las inondacions provocadas pel cambiament climatic. En febrièr de 2021, de barris nombroses foguèron saquejats a causa de pluèjas torrencialas qu’obliguèron a l’evacuacion de milièrs de personas. La vila patís tanben un enfonzament provocat pel pompatge de las napas freaticas. Segon National Geographic, Jakarta s’aprigondís de “30 centimètres per an jol nivèl de la mar”. La situacion sembla de s’agreujar d’annada en annada a mesura que lo nivèl global dels oceans aumenta. Per tant, fàcia a la multiplicacion dels problèmas de foncionament ligats a la subrepopulacion, lo president Joko Widodo decidiguèt la creacion d’una nòva capitala.
Un projècte desmesurat qu’inquieta los ecologistas malgrat las anóncias
La nòva capitala que se deuriá espandir sus una superfícia de 3000 ectaras, puèi aténher 200 000 a 300 000 ectaras, es presentada coma una “vila verda”, çò rapòrta L’Info Durable. Lo president d’Indonesia parlèt de ciutat “zèro emission”, amb de “transpòrt exclusivament electric”, e de “vila dins lo bòsc”. Tre decembre de 2019, Joko Widodo aviá promés durant un desplaçament sul sit de la futura vila que la ministra de l’environament e dels bòsques començariá d’installar una plantolièra de 100 ectaras semenada de 17 milions de plantas, çò raportava Courrier International. Del caire energetic, una tièra d’entrepresas localas e estrangièras an començat de crear un pargue industrial dich verd alimentat per de centralas idroelectricas e solaras. Una manièra de recuperar un cèrt retard que lo patís Indonesia dins lo desvolopament de las energias renovelablas.
Ça que la, malgrat las ambicions verdas mostradas pel president indonesian, lo projècte de mudança suscita de nombrosas criticas. Sul plan ecologic primièr: la region indonesiana de l’illa de Bornèo abriga lo pargue natural forestièr de Bukit Soeharto que s’espandís sus 61 850 ectaras e qu’es conegut per aculhir d’espècias vegetalas e animalas fòrça divèrsas. La construccion de la nòva capitala poiriá representar una menaça per aquel espaci protegit.
Bornèo es tanben abitada per de populacions autoctònas que riscan d’èsser expulsadas. “Almens 20 000 personas qu’apertenon a 21 grops indigènas vivon dins aquela zòna”, çò indica l’AMAN (Aliança dels pòbles indigènas de l’archipèla). Cap de mesura es pas prevista a l’ora d’ara per tal de protegir los dreches fonzièrs d’aqueles pòbles.
Nusantara, un nom per una marca
Lo quotidian indonesian Kompas explica l’etimologia del nom Nusantara causit pel president Joko Widodo per la futura capitala.
“Sus la pagina del Ministèri de l’Educacion, de la Cultura, de la Recèrca e de la Tecnologia, que cita lo Grand Diccionari indonesian, lo mot nusantara designa l’ensemble de l’archipèla indonesian”, çò rapòrta Kompas, “Bossòla”, qu’es lo mai grand quotidian indonesian, considerat coma lo periodic de referéncia per aquel país.
Aqueste nom, causit pel president Joko Widodo per la futura capitala que la sómia dempuèi 2019, apareguèt plan abans la Republica Indonesiana en 1945. D’origina sanscrita, es compausat de dos mots javaneses ancians: nusa, “illa”, e antara, “entre”, “mièg”.
Lo quotidian indonesian explica que foguèt inventat “al segle XIV pel poderós reialme indobodista javanés de Majapahit per designar son esfèra de conquista o d’influéncia, çò es una sèria d’illas situadas entre los continents asiatic e oceanian, inclusa tanben la peninsula malesa”. Tombat dins l’oblit durant mai d’un sègle, foguèt reütilizat dins los ans 1920 per Ki Hajar Dewantara, una figura del nacionalisme indonesian, coma alternativa al nom donat pels colons olandeses a lors “Índias orientalas neerlandesas”.
Un nom emplegat a totas las sauças per far la promocion d’Indonesia
Dempuèi qualques annadas, nusantara es venguda la marca dels produches culturals d’Indonesia. Se parla d’“islam nusantara” per soslinhar lo caractèr tolerant dels musulmans indonesians o encara de “batik nusantara” (tecnica javanesa d’impressions dels teissuts). Lo ministre de la planificacion del desvolopament nacional, Suharso Monoarfa, a declarat a prepaus d’aquò a Kompas: “Nusantara es nòstre lèma als escalons nacional e internacional, es un nom de bon prononciar e que descriu perfièchament l’estat-archipèla qu’es la Republica Indonesiana.”
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
"Cheng Huan" es fòra subjècte sistematicament o a li fa fraita reconeissença e expression ?
#3 Cheng Huan, i a quicòm que fonciona pas ben dins vòstre cervèu. Quin rapòrt entre l'esquèrra e aqueste article??? Quin rapòrt entre l'esquèrra e lo comentari intelligent de Gerard Cairon??? I a pas ges de rapòrt.
Gerard Cairon se preocupa dau benestar dei populacions de Bornèo; aquò es pas un tèma d'esquèrra, es un tèma umanista que pòt èsser de drecha, dau centre e d'esquèrra.
#2
Ah aquela esquèrra, lo siproclamat camp del ben de los que vòlon ajudar, escafar lo mal de la planeta e que trasteja pas per prener mesuras per escafar lo mal.
Istoricament l’’esquerra es una granda maquina entà guilhar lo mond. Lo XX sègle es comol de discors d’esquèrra e las limanda son tanben comolas dels cadavres acapialats per las resplendentas icòns d’esquèrra, los psicopatas a l’egò bodenfle : Lénine, Polpot, Staline, Mao, Castro, Guevarra.
L’esquèrra son las nacionalizacion de 1981 qu’an afrabat lo tescut industrial, son las 35 oras qu’an destabilizat los salaris, los emplecs, las retiradas e que contunhan de n’en pagar lo pretz fòrt.
Podem plorar segur pels autras, amagarà que nosaus dins vint ans existèm pus, coma lenga, e enquèra mens coma pòble. Fasèm pus compte a cap de nivèl !
Cossí aver pas pensament pels pòbles autoctòns d'aquela illa de Borneo dont los Dayaks, ja bravament ocupada per de colons javaneses, deforestada per plantar de palmièrs olièrs, afrabada per las recèrcas e expleitacions minièiras e energeticas- tot aquò sens consideracion pels pòbles primièrs...e aquela colonisacion , i a temps que s'es amodada dins totas las illas mens pobladas que Java, per expleitar lor riquesas naturalas, sens ne far gaire profitar las populacions localas...coma en Papoasia Occidentala tanben..
òc ben òc ben... poluda la vida e mentre aquel temps, auèi se bota en plaça Lo quasern de santat obligatòri per tot lo mond (aperabans èra facultatiu, mas coma fusquèc una pachacada ara es obligatòri)
Avetz un mes per o refuda, aquò rai las donas saran estremadas per l'estat mentre detz ans.
L'estat nimai las mutualas auràn cap d'accès al vòstre quasern santat ça dison.... nos prenon per d'oelhas manses çaquelà !
Es del meteis biasi que lo QR Còde, se las donadas son tornadas a un servidor central, o sabetz quitament pas.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari