Actualitats
Los joves son los protagonistas de l’activitat de l’Euroregion Pirenèus Mediterranèa
L’organisme transfrontalièr qu'amassa la Generalitat de Catalonha, lo govèrn de las illas Balearas e la Region qu’a pres lo nom d’Occitània, a decidit de crear un parlament dels joves de l’Euroregion
Tèxte legit
L’Euroregion Pirenèus Mediterranèa, l’organisme transfrontalièr qu'amassa la Generalitat de Catalonha, lo govèrn de las illas Balearas e la region qu’a pres lo nom d’Occitània, a decidit de crear un parlament dels joves de l’Euroregion, que permetrà d’escotar las proposicions d’avenir dels joves d’aqueles territòris e de las remandar a las institucions europèas. Dins aquel sens, s’es a entamenar un organisme de participacion a l’ocasion de l’an europèu dels joves, impulsat per las institucions de l'UE.
Aquela anóncia se faguèt a Brussèlas lo 27 de genièr passat, dins l’encastre del viatge d’una delegacion de l’Euroregion a las institucions europèas. Aquela delegacion èra integrada per Nadia Pellefigue, vicepresidenta de la region dicha Occitània; Rosario Sánchez Grau, conselhièra de las relacions exterioras de las illas Balearas, Victòria Alsina Burgués, conselhièra d’accion exteriora de la Generalitat de Catalonha, e lo director general de l'Euroregion Pirenèus Mediterranèa, Xavier Bernard-Sans. Los representants de l’Euroregion tenguèron divèrsas reünions de naut nivèl, coma las presididas per Elisa Ferreira, comissària europèa a la coesion e a las reformas, o Apostolos Tzitzikostas, president del Comitat de las Regions.
Dinamizacion de l’occitan o del catalan
La creacion d’aquel parlament serà acompanhada d’autras activitats de l’Euroregion amb los joves coma protagonistas, coma una ambiciosa entrevista audiovisuala que reünirà de vejaires e de proposicions de maites joves d’aqueles territòris, o l’organizacion d’un concors d’iniciativas suls rets socials restacadas a la dinamizacion de l’occitan o del catalan.
Justament, una de las tòcas estrategicas del fuèlh de rota de l’organisme transfrontalièr, “bastir un futur resilient d’aicí a 2030”, es la “d’autrejar un ròtle clau als joves dins l’Euroregion”. Una tòca sus la draia de la prioritat de l’Euroregion Pirenèus Mediterranèa de “melhorar l'inclusion sociala, en promovent la participacion e en promovent la diversitat culturala”.
Forum mediterranèu
La vicepresidenta Nadia Pellefigue a remarcat que dins las reünions tengudas a Brussèlas “[an] portat la votz de [lors] territòris, mas tanben [lors] accions conjonchas alinhadas als enjòcs prioritaris de l'UE, coma lo pache verd europèu”. Dins aquel sens, Pellefigue a soslinhat la tenguda, a la fin de 2022 del Forum mediterranèu dels Comitats economics e socials euroregionals, “qu'expausarà d'exemples civics de solucions innovantas pels territòris del bacin mediterranèu”.
Aquela anóncia se faguèt a Brussèlas lo 27 de genièr passat, dins l’encastre del viatge d’una delegacion de l’Euroregion a las institucions europèas. Aquela delegacion èra integrada per Nadia Pellefigue, vicepresidenta de la region dicha Occitània; Rosario Sánchez Grau, conselhièra de las relacions exterioras de las illas Balearas, Victòria Alsina Burgués, conselhièra d’accion exteriora de la Generalitat de Catalonha, e lo director general de l'Euroregion Pirenèus Mediterranèa, Xavier Bernard-Sans. Los representants de l’Euroregion tenguèron divèrsas reünions de naut nivèl, coma las presididas per Elisa Ferreira, comissària europèa a la coesion e a las reformas, o Apostolos Tzitzikostas, president del Comitat de las Regions.
Dinamizacion de l’occitan o del catalan
La creacion d’aquel parlament serà acompanhada d’autras activitats de l’Euroregion amb los joves coma protagonistas, coma una ambiciosa entrevista audiovisuala que reünirà de vejaires e de proposicions de maites joves d’aqueles territòris, o l’organizacion d’un concors d’iniciativas suls rets socials restacadas a la dinamizacion de l’occitan o del catalan.
Justament, una de las tòcas estrategicas del fuèlh de rota de l’organisme transfrontalièr, “bastir un futur resilient d’aicí a 2030”, es la “d’autrejar un ròtle clau als joves dins l’Euroregion”. Una tòca sus la draia de la prioritat de l’Euroregion Pirenèus Mediterranèa de “melhorar l'inclusion sociala, en promovent la participacion e en promovent la diversitat culturala”.
Forum mediterranèu
La vicepresidenta Nadia Pellefigue a remarcat que dins las reünions tengudas a Brussèlas “[an] portat la votz de [lors] territòris, mas tanben [lors] accions conjonchas alinhadas als enjòcs prioritaris de l'UE, coma lo pache verd europèu”. Dins aquel sens, Pellefigue a soslinhat la tenguda, a la fin de 2022 del Forum mediterranèu dels Comitats economics e socials euroregionals, “qu'expausarà d'exemples civics de solucions innovantas pels territòris del bacin mediterranèu”.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Las propostas s'aurian de far amb las duas lengas, e las discussions tanben,per tant caldrà qu' els participant sapiguen sas lengas respectivas català o occitan. Se un començàs a parlar en francès e l'altra li contestàs igual o en castelhan, non anirian ben las causas. Es coma una prova per veire quines son las possibilitats realas de far causa ensems. Es podrian far propostas perquè las lengas oficialas a l'Euroregion també o fossin en l'Estat Francès e al Parlament Europeu. Tanben es podria proposar que l'Euroregion tengués programas a la radio e a la tv. Intercanvis culturals. Què es possible far de l'Espaci Occitano-Catalan?
L'Euroregion Pirineus Mediterrania formada per la Generalitat, la Region d'Occitania, e lo Govern de Les Illes Balears, pot far moltas causas ensemble. En primier loc las lengas de comunicacion oficials an de procurar que sian realment lo catalan e l'occitan. Aital ja seria una gran capitada. Per facilitar la comprension los occitans an de parlar amb una bona fonetica. No parlar amb los labras ponchuts per pronunciar la -o finala e fer o amb la boca relaxada e mai oberta de maniera que soni E neutra. Los catalans an de procurar non dire "ha sigut" e dire "ha estat" No dire "buscar" dire "cercar" e vitar las castelhanadas.
D'ont sortisson, aqueles "joves" acamptats "parlament" ?
Las lengas de discussion ne seràn lo catalan e l'occitan ?
E de quinas eleccions seràn los elegits ? Qui ne seràn los electors ?
E un parlament, per qué far, ja que non aurà, de ges de biais, cap poder de legiferar ?
Ja que, se non es que per parlar, ja tenèm cafès e salas de conferéncia… E non avèm besonh de degun mai que de nosautres per parlar, joves o vièlhs…
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari