Bandièra01 capçalera  1180x150: Novestivada

Actualitats

Pfizer doblèt sos revenguts en 2021 gràcias al vaccin contra la covid-19

La societat prevei ara que lo cachet contra lo coronavirus li pòrte 19,25 miliards de mai

Tèxte legit

La societat Pfizer facturèt en 2021 dos còps mai d’argent qu’en 2020. La companhiá farmaceutica encaissèt un profièch de 71,2 miliards d’èuros gràcias al vaccin contra la covid-19, mentre qu’en 2020 n’obteniá 8,02 miliards. Segon un comunicat publicat per la quita Pfizer, lo medicament contra la covid-19 seriá ara sa font principala de recèptas.
 
Fàcia a 2022, la societat farmaceutica prevei que lo cachet contra lo coronavirus, conegut coma Paxlovid, qu’a la fin de genièr l’autorizèt l’Union Europèa, li portarà 19,25 miliards d’èuros de mai. A respècte del vaccin, la societat prevei ongan d’encaissar 28 miliards d’èuros.
 
Alvertós Bourlá, director general de Pfizer, s’es regaudit de las bonas donadas economicas de la societat que reconeis sa reüssida financièra gràcias al vaccin e al cachet anticovid: “Aquestas capitadas an marcat non solament una diferéncia positiva dins lo Mond, mas cresi qu’an cambiat las fondamentas de Pfizer per totjorn.”

 
 
abonar los amics de Jornalet

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Jordi
8.

A mi no em preocupa només el negoci que fan les farmacèutiques a costa de la nostra salut sinó la dimensió menys coneguda de tot aquest muntatge. Quan el "senyor" Bill Gates ja declara a la premsa que vindran d'altres "pandèmies" més importants...

  • 0
  • 6
Lo vibre que se congosta de trablhar ambe....
7.

#5

Aquò rai tot lo mond ten lo drech d'èsser per o contra aquel vaccin e de diser son punt de vista. es pas per aquò que deu aquijat ambe pèiras !

Convoi = Pertrag (bagages, attitail convoi) dixit Raynouard.

un pertrag de camions, dins la gara se vèi mond ambe lor pertrag

  • 0
  • 5
Delbòsc
6.

Quant una societat pòrta quicòm d'utile, i a pas a s'escandalizar s'aquò li rapòrta de moneda.

  • 3
  • 0
Joan Marc
5.

#2 Un còp de mai avèm la sansònha quotidiana de l'antivax de servici. Macron es pas lo sol cap d'estat que crompèt los vaccins de Pfizer. Ara avèm lo " convoi ( en un sol mot ? ) de la liberté ". Aquò ajudarà Total que batèt son recòrd de profièches. Perqué utilizan pas la bicicleta per se desplaçar ? Aquò permetriá d"emmerdar lo Rei Macron e Total a l'encòp ! Se pensatz que dins los païses paures existisson de potingas eficaças contra las malautiás, vos acpnselhi d'i anar. Aital degalharètz pas la moneda de la Seguretat Sociala. Lo problèma es qu'en França, d'ont mai creis a bèls uèlhs vesents l'extrèma drecha, d'ont mai grelhan movements e revòltas cada cada còp mai reaccionaris, pojadistas e escurantistas. Jean Marie Le Pen sonava aquò : la lepenizacion dels esperits. Ont es l'esquèrra ? Me demandi se s'es pas negada dins la fanga nacionalo -republicana e jacobina ?

  • 8
  • 0
Batko
4.

Cau pas desbrembar que l'UE a crompat los vaccins a un prètz hòrt, que los SMS entre lo patron de Pfizer e Ursula von der Leyen son "secrets". Que los deputats europencs an recebut contractes de venda talhucats. Pas tròp polit, tot aquò ...

  • 4
  • 0

Escriu un comentari sus aqueste article