Bandièra01 1180x150: Comuna de Tolosa

Actualitats

L’ÒPLO lança un chèc-libre en occitan pels adolescents de l’oèst del país

3200 escolans de 76 licèus e 230 collègis poiràn beneficiar d’una ajuda de 15 èuros per comprar de libres en occitan

Tèxte legit

Los joves liceans e collegians de 3a en occitan de l’oèst d’Occitània recebràn un chèc individual de 15 èuros per comprar de libres en occitan. L’Ofici Public de la Lenga Occitana (ÒPLO) ven de lançar son dispositiu nomenat “Libe-Libre” que ne benefícian mai de 3200 escolans de 76 licèus e 230 collègis. Son los enfants escolarizats en seccion bilingüa amb paritat orària o immersiva occitana de las regions qu’an pres lo nom d’Occitània e de Nòva Aquitània.
 
Lo dispositiu arriba gràcias al succès de l’edicion de l’an passat que s’adreiçava exclusivament a las escòlas primàrias de la region Nòva Aquitània. L’edicion d’ongan l’an recalibrada per un public d’adolescents.
 
La tòca es de dobrir los collegians e liceans a l’occitan en defòra de l’escòla. Lo chèc individual permetrà als professors d’occitan qu’o desiren d’acompanhar lors escolans dins la causida de lor obratge en occitan. De sesilhas de presentacion e d’escambis poiràn per exemple èsser organizadas amb los libraris independents partenaris de l’operacion.
 
Per mai d’informacion consultatz lo sit de l’ÒPLO.



 
fffff fffff
 Jornalet a l'escòla

Jornalet a una seccion especifica sus l’escòla occitana. Nos agradariá fòrça que las escòlas, que sián de Calandretas o d’escòlas bilingüas, poguèsson emplenar elas meteissas aquesta seccion amb de nòvas, e que los quites escolans las poguèsson redigir en explicar los faches que fan l’actualitat dins cada escòla: una excursion culturala, la vesita d’una personalitat, una fèsta populara amb los parents, una competicion esportiva, etcetèra. Evidentament, las fotografias, los enregistraments o los imatges de vidèo seràn tras que benvenguts, se n’i a.

 Se cada escòla nos manda quatre o cinc nòvas per an serem plan contents e satisfaches. Pensam que pòt èsser un bon ponch d’amassada per la comunautat educativa occitana, una iniciativa interessanta pels escolans e un esplech de socializacion lingüistica per las familhas dels escolans.

Esperam de poder comptar amb lo vòstre sosten, e esperam que Jornalet serà una aisina utila per las escòlas occitanas. Mandatz-nos las vòstras nòvas a info@jor…
 
   


abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Marc Lagaly Caors
8.

Vene de reçaure l'envelòpa ame los chècs a destinacion de mos escolans de 3enas. Dins lo departament d'Olt la granda majoritat dels 3enas e liceans "occitanistas" son escolarisats sia a Caors sia a Praissac.... La libraria partenaria la pus pròcha se tròba a Gordon (55 km) o a Fijac (80 km)... tant val dire que pas cap de mos 80 escolans de 3ena va anar far tant de rota per anar crompar un libre, e encara mens en occitan. De notar en mai d'aquò que ni los collègis de Gordon o de Fijac prepauson pas pus un ensenhament en lenga d'oc. Los chècs van doncas acabar en tota probabilitat... a la pobèla.

  • 5
  • 0
Maria B
7.

#6 Lo ton sens deu ridicule qu'ei hèra subjectiu

  • 16
  • 7
Jojo
6.

#4 Qu'ei un artifici ridicule!! Com díser ''la region qui a pres lo nom d'occitania'' en plaça de la region occitania...

  • 12
  • 15
Oups l\'Eau , la torna, as usual
5.

Oc's File N° 57135 V.H. ter. Mai un còp de còm' . Coma d'acostuma pas qu'un còp d'espada dins l'aiga.

  • 3
  • 1
Maria B
4.

#2 "Oèst d'Occitània" tà díser "Nòva Aquitània + Occitanie PM". Quin ei lo ton problèma?

  • 24
  • 11

Escriu un comentari sus aqueste article