Actualitats
Enfin totes los occitans pòdon donar de sang sens discriminacion per lor orientacion sexuala
Es abolida la mesura que, dempuèi 1983, enebissiá o restrenhiá lo don de sang als òmes omosexuals dins l’estat francés
Tèxte legit
A partir de ièr, 16 de març de 2022, los òmes omosexuals de tota Occitània poiràn donar de sang dins las meteissas condicions que las autras personas. Fins a aquel moment, solament o podián far en Aran o dins las Valadas car dins l’estat francés lor èra enebit o fòrça restrench. En 1983, los òmes omosexuals de l’estat francés foguèron empachats de donar de sang. En 2016 aquò lor foguèt permés, mas a la condicion que faguèsse 12 meses après lor darrièra relacion sexuala. En 2019, lo periòde d’abstinéncia se reduguèt a quatre meses. Ara, enfin, aquela mesura discriminatòria es abolida. La decision l'aviá anonciada lo ministre de la santat francés, Olivier Véran, l’11 de genièr passat.
La rason per justificar aquelas restriccions èra lo risc d’una transfusion de sang infectada pel VIU, lo virus de l'immunodeficiéncia umana, un dels mai estigmatizats. De soslinhar que tot don de sang es somés a de provaments rigoroses e precises per escartar tota sòrta d’infeccion tant del VIU coma d’autras malautiás grèvas. Las organizacions LGBTI considèran qu’aquelas restriccions son pas que de mesuras discriminatòrias fondadas sus l’omofobia e non pas un chepic medical real. Asseguran que cal pas prene en compte l’orientacion sexuala de la persona que fa lo don, mas se sas practicas sexualas son seguras e se sas relacions son monogamas.
Ça que la, aquela mesura discriminatòria es totjorn presenta en qualques endreches. Es exigit un periòde d’abstinéncia d’un an en Belgica, Norvègia, Soïssa e Chequia, de 6 meses en Serbia e Suècia e de 4 en Àustria, Danemarc e Finlàndia. A mai, en Islàndia, Eslovènia e Croàcia, los òmes omosexuals son completament empachats de donar lor sang. Delà Euròpa, i a de restriccions als Estats Units, en Canadà, Japon e Austràlia, lo don es de tot en tot enebit dins la majoritat dels estats del nòrd d’Africa, de l’Orient Mejan e del sud-èst asiatic.
La rason per justificar aquelas restriccions èra lo risc d’una transfusion de sang infectada pel VIU, lo virus de l'immunodeficiéncia umana, un dels mai estigmatizats. De soslinhar que tot don de sang es somés a de provaments rigoroses e precises per escartar tota sòrta d’infeccion tant del VIU coma d’autras malautiás grèvas. Las organizacions LGBTI considèran qu’aquelas restriccions son pas que de mesuras discriminatòrias fondadas sus l’omofobia e non pas un chepic medical real. Asseguran que cal pas prene en compte l’orientacion sexuala de la persona que fa lo don, mas se sas practicas sexualas son seguras e se sas relacions son monogamas.
Ça que la, aquela mesura discriminatòria es totjorn presenta en qualques endreches. Es exigit un periòde d’abstinéncia d’un an en Belgica, Norvègia, Soïssa e Chequia, de 6 meses en Serbia e Suècia e de 4 en Àustria, Danemarc e Finlàndia. A mai, en Islàndia, Eslovènia e Croàcia, los òmes omosexuals son completament empachats de donar lor sang. Delà Euròpa, i a de restriccions als Estats Units, en Canadà, Japon e Austràlia, lo don es de tot en tot enebit dins la majoritat dels estats del nòrd d’Africa, de l’Orient Mejan e del sud-èst asiatic.
Dès le 16 mars, tous les français, quelles que soient leurs orientations sexuelles, pourront donner leur sang !
— Olivier Véran (@olivierveran) January 11, 2022
Nous mettons fin à une inégalité qui n’était plus justifiée. #DonDeSangpic.twitter.com/wjnd1ylqt1
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3 Bonjorn,
Deuriatz demandar lo restacament del Val d’Aran a la Nauta Garona, tira ! maganhariatz pas tant.
A, la comunautat toxica e omofòba deu Jornalet... :'-(
Mercés a la redaccion per aqueste article : n'èri pas au corrent d'aquesta discriminacion, que soi maucorat qu'aja existit e content que s'arrèste.
#4 Ben, a l'ora que Darmanin prepausa a Corsèga l'autonomia, segur que sul front occitan òm se consòla coma òm pòt !
Aqui una novèla capitala que de segur farà abançar la causa occitana coma pas jamai. Una victòria de las grandas per Occitània. Qui pòt ne dobtar ? L'oplo ?
#1#2 Vos estimatz mès arrir qu'analisar eth vòste encastre mentau francofrancés? Açò ei ua reaccion tipica dera ignorància. Era notícia ei clara «Fins a aquel moment, solament o podián far en Aran o dins las Valadas car dins l’estat francés lor èra enebit o fòrça restrench»
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari