Aqueste dissabte 9 d’abril, a Brutús, serà question de faire la fèsta als Sants (St-Helens) que venon jogar contra los Dragons lo quart de finala de la Cup. Lor i faire fèsta, aquò vòl dire lor i faire virar canturla e contunhar lo camin cap a l’estadi de Tottenham ongan per la finala de la competicion pels Dragons. Serà pas simple, mas lo club compta sus un estadi plen, un ambient bèl amb musicas, e rambalh e lo sosten de totes los afogats catalans e occitans. De notar que França-3-“Occitània”retrasmetrà la partida en dirècte!
 
Los autres quarts de la Cup: divendres, Hull-KR/Castleford; dissabte: Huddersfield-Hull-FC; dimenge: Wakefield-Wigan. Res que de polit monde!

Aqueste dissabte 9 d’abril, a Brutus, serà question de faire la fèsta als Sants (St Helens) que venon jogar contra los Dragons lo quart de finala de la Cup. Lor i faire fèsta, aquò vòl dire lor i faire virar canturla e contunhar lo camin cap a l’estadi de Tottenham ongan per la finala de la competicion pels Dragons. Serà pas simple, mas lo club compta sus un estadi plen, un ambient bèl amb de musica e de rambalh e lo sosten de totes los afogats catalans e occitans. De notar que França 3 “Occitània”retransmetrà la partida en dirècte!
 
Los autres quarts de la Cup: divendres, Hull KR/Castleford; dissabte: Huddersfield-Hull FC; dimenge: Wakefield-Wigan. Res que de polit mond!
 
 
Lo 1r d’abril, cal pas anar en Anglatèrra
 
Divendres, Tolosa foguèt despassat a Castleford e encaissèt un 32-6. Pels catalans, lo desplaçament cap a Anglatèrra foguèt complicat. En causa d’una fòrta tramontana, l’avion poguèt pas partir de Perpinhan. Direccion Tolosa en veitura; arribada tardièra a Huddersfield; solament mièja ora de preparacion abans de dintrar sus la pelena; a la sortida, la desfaita: 28-12.
 
Dijòus, Wigan aviá batut Hull FC d’un punt: 19-18. Divendres, St Helens anèt ganhar a Leeds: 26-0 e Hull KR dominèt Warrington 34-18. Dimenge, Wakefield batiá Salford 30-24.
 
 
Elèit 1: los Canaris subrevòlan Brutus
 
Es sus la pelena de Brutus que se jogava dissabte de vèspre la partida Dragonets-Carcassona. Los Canaris desrotlèron fàcia a una formacion rejovenida: 54-16.
 
Puèi, dimenge Limós domina Tolosa 56-0; Vilanòva s’impausa a St Gaudenç 32-12 e Albi va ganhar a Avinhon 30-24.
 
En cap d’aficha de la dimenjada, lo dèrbi dimenge de vèspre a Domèc entre Carcassona e Limós. Aprèp la taulejada de miègjorn (pels sostens e dirigents; reservacions: +33(0)4 68 77 59 01), las doas formacions se disputaràn la primièra plaça de la fasa de classament.
 
Son tanben al programa los rescontres Albi-St Gaudenç, Lesinhan-Avinhon e Vilanòva-Dragonets.
 
En Elèit 2, Pià va ganhar a Baó 34-20 e confirma sa plaça de primadièr e sas ambicions de montada en Elèit 1.
 
 
 
NRL: las Pantèras an la dent dura
 
A Penrith, las Pantèras e los Lapinons se trapavan per una partida revenge de la finala. Los locals, ont Nathan Cleary aviá tornat trapar plaça a la dobertura, dominèron un còp de mai los debats: 26-12.
 
De senhalar, de braves cartons: Vaquièrs-Polets: 4-28; Melbourne-Dògols: 44-0; Parramatta-Sant Jòrdi: 48-14.
 
 
L’avenir se prepara
 
1200 joves U7, U9, U11 e U13 an pres part aqueste dimenge al Challenge Gregoire organizat al pè de Ciutat per l’Acadèmia Esportiva de Carcassona XIII.
 
 
 
 
Alan Roch