La mòrt d’Yvan Colonna a marcada la jornada electorala d’aqueste dimenge en Corsega. De panèls d’afichatges electorals son estats recobèrts per de fòtos del militant independentista. Dos movements independentistas, Corsica Libera e Core in Fronte, avián cridat al boicòt de l’eleccion. A 17h, la participacion dins l’illa èra d’un pauc mai del 55%, a aperaquí dètz ponches percentuals de la taxa globala de l’estat francés (74%).
 
Yvan Colonna moriguèt lo 21 de març passat a causa d’una brutala agression dins la preson d’Arle patida lo 2 de març e que lo mantenguèt dins lo còma dins un espital de Marselha. Aquela agression a causadas de manifestacions de massa en Corsega, de susmautas e divèrsas demostracions d’indignacion. Aqueles faches an unit lo sobeiranisme còrs, istoricament devesit, que ten un larg sosten popular, e aquò a obligadas las autoritats francesas d’ensajar de mestrejar la situacion; aquestas an quitament parlat d’autonomia, çò qu’avián totjorn rebutat categoricament.

 

#Presidentielle2022 : Des panneaux d'affichages électoraux ont été recouverts par des photos d'Yvan Colonna, militant indépendantiste décédé le 21 mars. Deux mouvements indépendantistes, Corsica Libera et Core in Fronte, appellent au boycott

→ https://t.co/bMWspWYXYZpic.twitter.com/y8aZAoO0W6

— France 3 Corse (@FTViaStella) April 10, 2022