Actualitats
Rugbi de XIII: pas lo temps de polsar…
Encara una dimenjada de rugbi de XIII refofanta d’emocions e una setmana qu’arriba qu’o serà parièr…
Alan RochCup: tròp fòrts, los Sants!
Dissabte, pel compte dels quarts de la Cup, los Dragons Catalans recebián Sant Helens; los angleses marquèron los primièrs sus penalitat. Los catalans repliquèron amb un ensag de Yaha. Mas en 7 minutas, los angleses passavan tres còps la linha per s’envolar: 20-4. Un ensag de Dudson entre los pals tornava menar la marca a 20-10 al moment de la pausa. Tre la represa, Sant Helens tornava marcar e gardava la man mesa sus una partida qu’emportava 36-20 fin finala.
Divendres de ser, Hull KR s’èra ja qualificat mercé a una victòria 34-10 fàcia a Castleford. Dissabte, Huddersfield eliminava Hull FC 24-16, alara que dimenge Wigan anava ganhar a Wakefield 36-6.
Las mièjas finalas se jogaràn lo 7 de mai a Leeds entre Hull KR e Huddersfield d’un caire e Wigan e Sant-Helens d’autre caire.
En esperant, la Superliga pren son ritme fòl pascal: amb de partidas aqueste dijòus e d’autras tre diluns! Dijòus doncas, es a 8 oras e mièja del ser que los Dragons Catalans en cèrca de moral reçaupràn lo Tolosa Olimpic, en cèrca de punts!
Diluns de Pascas, lo Tolosa Olimpic reçauprà Hull KR e prepausarà fòrça animacions abans e aprèp la partida. Los Dragons seràn en desplaçament a Salford.
Elèit 1: un dèrbi demòra un dèrbi
Dimenge, Carcassona recebiá Limós. Los espectators n’agèron per lor moneda que trapèron totes los ingredients d’una partida de tria. A la pausa, Carcassona menava 24-12, mas contra lo vent, los Grizzlies refasián lor retard e prenián l’avantage 34-30 a doas minutas de la fin. Pro de temps a Carcassona per marcar un ensag transformat complicat d’una penalitat per ganhar 38-34.
Al Molin, Lesinhan remontava 13 punts de retard dins las darrièras dètz minutas fàcia a Avinhon per ganhar fin finala 28-27. Los Dragonets van ganhar 30-8 a Vilanòva. Dissabte, coma de costuma, St Gaudenç perdèt: dominats per Albi: 58-6.
Dissabte 15, Limós reçauprà Vilanòva. Son tanben al programa d’aquesta 18a jornada las partidas Albi-Lesinhan, Avinhon-Tolosa e Dragonets-Sant Gaudenç.
NRL: la ierarquia se met en plaça
Ne sèm a la quatrena jornada de competicion, mas se vei ja quinas equipas faràn la corsa en cap de classament e las que se trigossaràn en coa. Manly (30-6 a Newcastle), los Poletons (24-20 a Brisbane), Melbourne (30-16 a Canberra), Parramatta (27-20 cò dels Titans) e Penrith (32-12 a Canterbury) s’impausan al defòra.
Alan Roch
Dissabte, pel compte dels quarts de la Cup, los Dragons Catalans recebián Sant Helens; los angleses marquèron los primièrs sus penalitat. Los catalans repliquèron amb un ensag de Yaha. Mas en 7 minutas, los angleses passavan tres còps la linha per s’envolar: 20-4. Un ensag de Dudson entre los pals tornava menar la marca a 20-10 al moment de la pausa. Tre la represa, Sant Helens tornava marcar e gardava la man mesa sus una partida qu’emportava 36-20 fin finala.
Divendres de ser, Hull KR s’èra ja qualificat mercé a una victòria 34-10 fàcia a Castleford. Dissabte, Huddersfield eliminava Hull FC 24-16, alara que dimenge Wigan anava ganhar a Wakefield 36-6.
Las mièjas finalas se jogaràn lo 7 de mai a Leeds entre Hull KR e Huddersfield d’un caire e Wigan e Sant-Helens d’autre caire.
En esperant, la Superliga pren son ritme fòl pascal: amb de partidas aqueste dijòus e d’autras tre diluns! Dijòus doncas, es a 8 oras e mièja del ser que los Dragons Catalans en cèrca de moral reçaupràn lo Tolosa Olimpic, en cèrca de punts!
Diluns de Pascas, lo Tolosa Olimpic reçauprà Hull KR e prepausarà fòrça animacions abans e aprèp la partida. Los Dragons seràn en desplaçament a Salford.
Elèit 1: un dèrbi demòra un dèrbi
Dimenge, Carcassona recebiá Limós. Los espectators n’agèron per lor moneda que trapèron totes los ingredients d’una partida de tria. A la pausa, Carcassona menava 24-12, mas contra lo vent, los Grizzlies refasián lor retard e prenián l’avantage 34-30 a doas minutas de la fin. Pro de temps a Carcassona per marcar un ensag transformat complicat d’una penalitat per ganhar 38-34.
Al Molin, Lesinhan remontava 13 punts de retard dins las darrièras dètz minutas fàcia a Avinhon per ganhar fin finala 28-27. Los Dragonets van ganhar 30-8 a Vilanòva. Dissabte, coma de costuma, St Gaudenç perdèt: dominats per Albi: 58-6.
Dissabte 15, Limós reçauprà Vilanòva. Son tanben al programa d’aquesta 18a jornada las partidas Albi-Lesinhan, Avinhon-Tolosa e Dragonets-Sant Gaudenç.
NRL: la ierarquia se met en plaça
Ne sèm a la quatrena jornada de competicion, mas se vei ja quinas equipas faràn la corsa en cap de classament e las que se trigossaràn en coa. Manly (30-6 a Newcastle), los Poletons (24-20 a Brisbane), Melbourne (30-16 a Canberra), Parramatta (27-20 cò dels Titans) e Penrith (32-12 a Canterbury) s’impausan al defòra.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari