Bandièra01 1180x150: Comuna de Tolosa

Actualitats

crotz-tolosaCreated with Sketch.ProvençaProvençaVencenc

Steven Spielberg presidirà la jurada del 66n Festenal de Canas

Lo realizaire estatsunidenc succedirà a l’italian Nanni Moretti per l’edicion 2013 del prestigiós festenal provençal de cinèma que se debanarà del 15 al 26 de mai

Steven Spielberg
Steven Spielberg | Tristan Reville
Lo realizaire e productor estatsunidenc succedirà al cineasta italian Nanni Moretti per presidir la jurada de la 66a edicion del Festenal de Canas (Vencenc), que se debanarà del 15 al 26 de mai. “La miá admiracion per la manièra ferma que lo Festenal de Canas defend lo cinèma internacional es totala. Perque lo de Canas es lo mai prestigiós de totes los festenals, çò que li permet de contunhar d’afirmar que lo cinèma es un art que transcendís las culturas e las generacions”, çò a declarat Steven Spielberg dins un comunicat oficial.
 
Steven Spielberg, dins sos 66 ans, a presentat divèrses filmes a Canas, mai que mai fòra competicion. En 1974, i ganhèt lo prèmi del scenari per The Sugarland Express.
 
Los organizaires del festenal considèran qu’Spielberg es un “incessant vai-e-vèni entre lo pantais e la realitat. Alternant entre filmes de divertiment e de reflexions grèvas sus l’istòria, lo racisme o la condicion umana, es testimòni de la siá aspiracion a un Mond pacific e reconciliat”.
 
Spielberg succedís aital a un prestigiós casting: Nanni Moretti en 2012, Robert De Niro en 2011, Tim Burton en 2010, Isabelle Huppert en 2009 e Sean Penn en 2008.

Articles relacionats

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Jean Claude Gaudin
3.

#1 Sias tu lo non-eveniment

  • 0
  • 1
Jean Claude Gaudin
2.

#1 Sias tu lo non-eveniment

  • 0
  • 0
Pirolet
1.

O avèm ja dich: per ésser un jornal normal e respectat Lo Jornalet deu , ailàs! taben parlar de non eveniments.

  • 1
  • 0

Escriu un comentari sus aqueste article