Actualitats
Festejarem deman los 10 ans de Jornalet en Cabardés
Après rescontrar los calandrons de Carcassona, prendrem part a l’Estanquet de Fasètz la Lenga en Cabardés a Argon
Tèxte legit
Deman dimars, 19 d’abril, festejarem los dètz ans de Jornalet a la calandreta de Carcassona, que participa regularament a las paginas d’aqueste quotidian, e puèi a Argon (Cabardés) per prene part a l’Estanquet de Fasètz la Lenga en Cabardés a 6 oras e mièja del vèspre a l’Ostal de Cabardés d’Argon.
Dins aquela serada, lo cap-redactor, Ferriòl Macip, e lo corrector, Gerard Joan Barceló, presentaràn lo foncionament de Jornalet, d’estatisticas de legeires, la còla, las finanças, lo modèl de lenga, l’escòla de jornalisme e l’avenir del quotidian.
Lo tradicional moment convivial seguirà (8 èuros; se comptatz de manjar, mercé d’avisar dominique.alsina@orange... ).
Aquel eveniment se tendrà gràcias a l’IEO Aude.
Dins aquela serada, lo cap-redactor, Ferriòl Macip, e lo corrector, Gerard Joan Barceló, presentaràn lo foncionament de Jornalet, d’estatisticas de legeires, la còla, las finanças, lo modèl de lenga, l’escòla de jornalisme e l’avenir del quotidian.
Lo tradicional moment convivial seguirà (8 èuros; se comptatz de manjar, mercé d’avisar dominique.alsina@orange... ).
Aquel eveniment se tendrà gràcias a l’IEO Aude.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Òsca, Jornalet !
10 ans es ja quicòm. E l'istòria s'acaba pas aquí !
Ten-te fièr !
Bon cap de l'an.
E longa vida al jornalet !
Jornal en òc, que, en mai d'aquò, nos permèt de comentaris, e de divergéncias d'opinions !
Es mai que preciós a l'ora d'ara.
10 potons bèls a totes los actors d'aquesta capitada !
Cris.
Bon anniversari !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari