CAPÇALERA: CONGRÉS AMIC
CAPÇALERA2: FAI-TE SOCI

Jornalet, gaseta occitana d'informacions

Dimars, 15 d'octòbre

Actualitats

Divendres, 1 de març de 2013, 03h00 Societat,Economia

Provença > Provença > Brinholenc

La justícia a anullat tornarmai lo plan social de l’usina de Fralib a Gèmas


Comentaris Cap de comentari    
Marrit Flac Bon Plan bon Fabulós (4 vòtes)
carregant En cargar


Lo tribunal d’apelacion d’Ais de Provença anullèt ièr, dijòus, lo tresen plan de salvagarda de l’emplec (PSE) presentat pel grop Unilever dins l’encastre de la barradura de la fabrica Fralib de Gèmas (País Marselhés), que doas primièras versions contestadas pels salariats èran ja estadas invalidadas.


Gérard Cazorla, secretari del comitat dels trabalhadors
© CGT Fralib vivra





Nòvas restacadas
Etiquetas
eléphant, fralib, pse, unilever

Lo tribunal a verificat “la nullitat de la procedura iniciada al títol del l’article L 2323-6 del còde del trabalh, la nullitat del plan de salvagarda de l’emplec e la dels licenciaments ja intervenguts”. E mai a ordenat a la societat Fralib de “reprene dempuèi lo començament aquela procedura e de presentar al comitat d’entrepresa un plan de salvagarda de l’emplec que concernisca l’ensems dels salariats del sit de Gèmas.
 
Dins un comunicat, lo grop Unilever a indicat prene acte de la decision, en remembrant las mesuras mesas en marcha dempuèi dos ans e mièg, mai que mai en matèria de reclassament dels salariats.
 
Los representants sindicals dels emplegats se regaudissián d’aquela decision. De fach, en febrièr de 2011, lo tribunal general de Marselha aviá jutjat lo primièr PSE “desprovesit de tota indicacion que permeta de conéisser los mejans qu’aquela societat […] es en mesura de consagrar al reclassament dels salariats”. Lo segond plan presentat per Unilever foguèt invalidat en novembre de 2011 pel tribunal d’apelacion d’Ais de Provença, qu’estimèt qu’aquelas proposicions de reclassament èran pas seriosas.
 
En primièra instància, davant lo tribunal de Marselha, lo tresen plan foguèt, al contrari, jutjat confòrme en abril de 2012 e los representants dels salariats s’apelèron. Ochanta dos salariats, sus los ancians 182, refusèron la barradura de lor usina —que sos locals e sas maquinas foguèron compradas en setembre per la comunautat urbana Marselha Provença Metropòli (MPM)— e contunhèron l’activitat per mejan d’una societat cooperativa.
 
“Una longa nuèch mas un resultat de satisfaccion”, çò disián los salariats del sit de Gèmas a La Provence. Per aqueles 72 salariats que relancèron l’activitat de l’usina, proprietat de la comunautat urbana MPM, la decision que prenguèt ièr lo tribunal d’Ais poiriá cambiar las causas. “Esperem que fin finala acceptaràn de menar a tèrme de veritablas negociacions”, çò diguèt al jornal numeric provençal Gérard Cazorla, secretari del comitat dels trabalhadors, que l’inspeccion del trabalh refusèt son licenciament per de rasons economicas.
 
Fa de meses que los salariats reclaman l’autrejament de volums de produccion en sostractança, per permetre lo lançament de lor projècte de societat cooperativa e tanben la marca Éléphant, çò que lo grop Unilever a totjorn refusat. La setmana passada, lo socialista Eugène Caselli diguèt que fariá de cambadas per que l’Elisi demandèsse a Unilever de sèire a l’entorn de la taula de negociacions.
 
“Sèm a marcar l’istòria sociala del país”, çò diguèt Cazorla, davant un auditòri de salariats euforics.



publicitat
BANER1-2-3: DGPL DICTADES



Comentaris


I a pas cap de comentari




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL AN LAFONT

Editorial

Que pas res nos arrèste

“Òu, Union Europèa, calma-te. Torni dire: s’ensajas de qualificar nòstra operacion d’invasion, nòstre prètzfach es simple. Dobrirem las pòrtas ...
giny

Lo temps

Mapa
  • sol Agen 12
  • sol Aush 12
  • sol Bordèu 12
  • sol Briançon 14
  • sol Caors 12
  • sol Carcassona 14
  • sol Clarmont-Ferrand 11
  • sol Confolent 14
  • sol Gap 14
  • sol La Canau 13
  • sol La Gàrdia 13
  • sol Limòtges 11
  • sol Lo Borg Sant Dalmatz 16
  • sol Lo Puèi de Velai 11
  • sol Marselha 20
  • sol Montpelhièr 18
  • sol Naut Aran 10
  • sol Niça 18
  • sol Nimes 18
  • sol Pau 12
  • sol Peireguers 12
  • sol Rodés 12
  • sol Tolon 12
  • sol Tolosa 12
  • sol Valença 18

giny

giny

Vidèos

giny

Entrevista

giny

giny

publicitat

lateral 2 teveoc

Fotografias

  • Gavotina marítima: trofèu d'August e vila vielha d'A Torbia

  • © Franc Bardòu

    Tresaurs andorrans

  • Valadas. © Xavi Gutiérrez Riu

    Valadas

  • Muralhon. © Andrea Celauro

    País d'Aison (Val d'Estura)

  • © Laurenç Revèst

    Castelar

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • © Franc Bardòu

    Tresaurs andorrans

  • © Aure Séguier

    Carnaval Biarnés 2017

  • Canejan. Pòrta vielha. © Xavi Gutiérrez Riu

    Val de Toran (Aran)

  • © Franc Bardòu

    País Bordalés

  • Estanh nheuat. © Xavi Gutiérrez Riu

    Prumèra nheuada dera sason ena Val d'Aran

  • © Franc Bardòu

    Coserans al còr

  • Inauguracion de la Sala Claudi Molinièr a Besièrs

  • Cristòl Daurore

    Ceremonia pel 83n anniversari de Francés Fontan a Fraisse (Val Varacha)

  • Estacion de trens de Limós (Rasés) - Senhalizacion en occitan. © Terric Lausa

    Estacion de trens de Limós (Rasés) - Senhalizacion en occitan

  • © Laurenç Revèst

    Cavairac (Costièra de Nimes)

  • Dus bearnés au som deu

    Concors d'estiu 2012: La fotografia de las vacanças

  • A Torbia, quartiers e maions en occitan alpenc

  • © Laurenç Revèst

    Dins lei paluns de Camarga, la Torre Carbonièira e Aigas-Mòrtas

  • Musèu de Terra Mata, Niça, mai anciana traça de fuec au monde

publicitat

LATERAL2 330x60: Casteth Paums



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)