Actualitats
Rugbi de XIII: lo balon oval es un uòu de Pascas cosmic!
E de jogaires ausisson tindar las campanas quand fan Jèsus sus la pelena, cercant lo buf aprèp un tampon pas brica en chocolat, mas puslèu en caramèl
Alan RochL’experiéncia catalana contra la volontat tolosana
Dijòus de ser, se debanèt çò que la premsa sonèt coma lo primièr dèrbi francés de Superliga, mas que, de fait, èra una oposicion catalanooccitana sus la pelena de Brutus. Los catalans agèron de segur dreit a l’interpretacion costumièra d’Els Segadors; per Tolosa, se sortiguèt la cançon del Nogaròt, Ò Toulouse… Lo presentaire catalan faguèt, el, ben referéncia als occitans. Coma qué, en francés, un jogaire de Tolosa es francés e en catalan, lo meteis es occitan! Tant qu’a i èsser, la crotz occtana es pas pus visibla suls malhòts novèls dels blau e blanc (que jogavan en violet).
I agèt un brave afrontament, mas sens granda envolada. Quauques accions catalanas faguèron la diferéncia malgrat lo jòc variat prepausat pels vesitaires amb de davants valents e un bon jòc al pè. Victòria catalana: 18-10. Los Dragons i daissèron Joe Chan, suspendut 2 partidas per un placatge catedrala, e lo segonda-linha McMeeken (fractura del braç).
Lo tradicional St Helens-Wigan del divendres sant virèt a l’avantatge de campions que serà malaisit d’arrestar ongan: victòria 22-4 e un novèl rendètz-vos lo 7 de mai en mièja finala de la Cup. Las dètz minutas de prolongacion i cambièron pas res: Leeds e Huddersfield acabèron la partida a egalitat: 20-20. Largas victòrias per Castleford (34-4 a Wakefield) e Warrington (32-18 contra Salford). Dins un autre dèrbi, Hull KR mai fòrt qu’Hull FC: 16-4.
E caliá tornar sus la pelena tre aqueste diluns.
Lo Tolosa Olimpic recebiá Hull KR. Los occitans menèron 18-4 a l’ora de jòc, puèi lo trauc negre: desfaita 24-28. A Salford, los Dragons marcan sièis ensages e ganhan 36-10.
Tre divendres, Tolosa serà a Leeds, qu’es just davant eles al classament. Dimenge, los catalans jogaràn a Hull FC.
Elèit 1: Limós e Carcassona en mièja finala
Demòran encara doas partidas de jogar per clavar la fasa de classament: Lesinhan-Vilanòva e St Caudenç-Tolosa, mas cambiaràn pas lo classament establit.
Aqueste dissabte, es aisidament que Limós batèt Vilanòva 44-0, los Dragonets s’impausèron 64-4 fàcia a St Gaudenç e Avinhon ganhèt 46-0 contra Tolosa. Dins una partida d’una granda intensitat, Albi prenguèt lo melhor sus Lesinhan 34-22, s’assegurant lo barratge a domicili e privant lo campion de la qualificacion dirècta en mièja finala.
Atal, Limós acaba primièr davant Carcassona. En barratge, en fin de mes, Lesinhan reçauprà Avinhon e los Dragonets aniràn desfisar Albi.
La Federacion a previst una Prima del XIII a Narbona los dissabte 21 e dimenge 22 de mai amb las finalas dels campionats femenins, de XIII- cadieral, U15,U-17, U-19 e , de segur, la finala d’Elèit 1; plan d’emocions a venir abans de soslevar los bloquièrs de campions!
NRL: un Tigre es pas una Pantèra
Per ara, lo campionat australian a coma un aire de ja vist amb en cap de fila Pantèras, Melbourne, Làmias, Manly, Lapinons e Polets. Sols, los Vaquièrs començan la sason plan mai fòrt que las sasons passadas.
E se las Pantèras an ganhadas las primièras 6 partidas jogadas, los Tigres eles ganhan enfin una partida d’un pichon punt: 21-20 fàcia a Parramatta.
Alan Roch
Dijòus de ser, se debanèt çò que la premsa sonèt coma lo primièr dèrbi francés de Superliga, mas que, de fait, èra una oposicion catalanooccitana sus la pelena de Brutus. Los catalans agèron de segur dreit a l’interpretacion costumièra d’Els Segadors; per Tolosa, se sortiguèt la cançon del Nogaròt, Ò Toulouse… Lo presentaire catalan faguèt, el, ben referéncia als occitans. Coma qué, en francés, un jogaire de Tolosa es francés e en catalan, lo meteis es occitan! Tant qu’a i èsser, la crotz occtana es pas pus visibla suls malhòts novèls dels blau e blanc (que jogavan en violet).
I agèt un brave afrontament, mas sens granda envolada. Quauques accions catalanas faguèron la diferéncia malgrat lo jòc variat prepausat pels vesitaires amb de davants valents e un bon jòc al pè. Victòria catalana: 18-10. Los Dragons i daissèron Joe Chan, suspendut 2 partidas per un placatge catedrala, e lo segonda-linha McMeeken (fractura del braç).
Lo tradicional St Helens-Wigan del divendres sant virèt a l’avantatge de campions que serà malaisit d’arrestar ongan: victòria 22-4 e un novèl rendètz-vos lo 7 de mai en mièja finala de la Cup. Las dètz minutas de prolongacion i cambièron pas res: Leeds e Huddersfield acabèron la partida a egalitat: 20-20. Largas victòrias per Castleford (34-4 a Wakefield) e Warrington (32-18 contra Salford). Dins un autre dèrbi, Hull KR mai fòrt qu’Hull FC: 16-4.
E caliá tornar sus la pelena tre aqueste diluns.
Lo Tolosa Olimpic recebiá Hull KR. Los occitans menèron 18-4 a l’ora de jòc, puèi lo trauc negre: desfaita 24-28. A Salford, los Dragons marcan sièis ensages e ganhan 36-10.
Tre divendres, Tolosa serà a Leeds, qu’es just davant eles al classament. Dimenge, los catalans jogaràn a Hull FC.
Elèit 1: Limós e Carcassona en mièja finala
Demòran encara doas partidas de jogar per clavar la fasa de classament: Lesinhan-Vilanòva e St Caudenç-Tolosa, mas cambiaràn pas lo classament establit.
Aqueste dissabte, es aisidament que Limós batèt Vilanòva 44-0, los Dragonets s’impausèron 64-4 fàcia a St Gaudenç e Avinhon ganhèt 46-0 contra Tolosa. Dins una partida d’una granda intensitat, Albi prenguèt lo melhor sus Lesinhan 34-22, s’assegurant lo barratge a domicili e privant lo campion de la qualificacion dirècta en mièja finala.
Atal, Limós acaba primièr davant Carcassona. En barratge, en fin de mes, Lesinhan reçauprà Avinhon e los Dragonets aniràn desfisar Albi.
La Federacion a previst una Prima del XIII a Narbona los dissabte 21 e dimenge 22 de mai amb las finalas dels campionats femenins, de XIII- cadieral, U15,U-17, U-19 e , de segur, la finala d’Elèit 1; plan d’emocions a venir abans de soslevar los bloquièrs de campions!
NRL: un Tigre es pas una Pantèra
Per ara, lo campionat australian a coma un aire de ja vist amb en cap de fila Pantèras, Melbourne, Làmias, Manly, Lapinons e Polets. Sols, los Vaquièrs començan la sason plan mai fòrt que las sasons passadas.
E se las Pantèras an ganhadas las primièras 6 partidas jogadas, los Tigres eles ganhan enfin una partida d’un pichon punt: 21-20 fàcia a Parramatta.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
De seguir aqueste dimècres 20 d'abril, a 18h15, al teatre de Concas d'orbiel, lo documentari « François Moncla, passaire d'umanitat » ami la preséncia del realization Patric La Vau.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari