Actualitats
Agde: la calandreta festejarà son 20n anniversari
Lo 4 de junh que ven, es prevista una jornada tota plena d’activitats per celebrar l’eveniment amb los pichòts e los ancians calandrons, los fondadors, los amics, los partenaris, la vila...
Tèxte legit
L’escòla Calandreta d’Agde celebrarà son 20n anniversari lo 4 de junh que ven dins una jornada de fèsta pensada pels pichòts e ancians calandrons, mas tanben pels membres fondadors de l’escòla, los associatius, la còla pedagogica, totes los amics e partenaris de la calandreta dagdenca dempuèi sa creacion.
Après l’inauguracion oficiala d’una exposicion suls 20 ans de l’escòla, se tendrà un passacarrièra musical darrièr lo Cavalet, qu’es l’animal totemic protector dels calandrons d’Agde. Es tanplan prevista l’animacion d’un mercat occitan e d’animacions ludicas coma d’obradors de danças, de jòcs, de pintura, de filmòts, de mascaratge...
Long de la tantossada, après un escambi amb los ancians calandrons previst a 15 oras, i a aurà un fum de suspresas (cants, canton libres, tombolà, gostar e la còca d’anniversari...).
Clavarà la jornada un balèti amb Humpty Dumpty, lo sound-system occitan; serà organizat a l’escòla a 20h per far bolegar pichòts e grands. Serà de segur possible de manjar, de beure, de dançar e de s’amusar totes ensems dins la cort de l’escòla.
La còla de Jornalet lor desiram un plan polit anniversari e esperam que los festejaires seràn plan nombroses e contents!
Après l’inauguracion oficiala d’una exposicion suls 20 ans de l’escòla, se tendrà un passacarrièra musical darrièr lo Cavalet, qu’es l’animal totemic protector dels calandrons d’Agde. Es tanplan prevista l’animacion d’un mercat occitan e d’animacions ludicas coma d’obradors de danças, de jòcs, de pintura, de filmòts, de mascaratge...
Long de la tantossada, après un escambi amb los ancians calandrons previst a 15 oras, i a aurà un fum de suspresas (cants, canton libres, tombolà, gostar e la còca d’anniversari...).
Clavarà la jornada un balèti amb Humpty Dumpty, lo sound-system occitan; serà organizat a l’escòla a 20h per far bolegar pichòts e grands. Serà de segur possible de manjar, de beure, de dançar e de s’amusar totes ensems dins la cort de l’escòla.
La còla de Jornalet lor desiram un plan polit anniversari e esperam que los festejaires seràn plan nombroses e contents!
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3#2#1 Mercé plan a totes !
https://www.facebook.com/LaCalandretaDagtenca
#3 Mercé plan !
https://www.facebook.com/LaCalandretaDagtenca
Una escòla onte se passan totjorn d'activitats plenas de sens ! Òsca !
Qu'espeliguèssa !
La calandreta dagtenca es lo tresaur d'Agde.
Longa vida a la calandreta e als calandrons !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari