Bandièra01 1180x150: Comuna de Tolosa

Actualitats

crotz-tolosaCreated with Sketch.LengadòcLengadòc BasCarcassés

Arab’Òc a la calandreta de Carcassona

Per registrar la musica, anarem dins un estúdio ont i a de micros e de cascos que botarem per nos registrar

Tèxte legit

Arab’òc es un projècte que los CE2 an començat aquela annada amb los CM. Nos devèm entrainar per faire un concèrt en junh. Cada annada, Abdel e Jocelyn nos venon visitar per nos aprene una novèla cançon e i a mai d’una repeticion. Per registrar la musica, anarem dins un estúdio ont i a de micros e de cascos que botarem per nos registrar. A la darrièra repeticion nos balharàn una clau USB amb la cançon. I a tanben los de Ciutat que vendràn pel concèrt amb Jocelyn e Abdel. La cançon es en arabi e en occitan e parla de l’importància de conservar las lengas nòstras.
 
Del temps de la primièra sesilha d’Arab’òc, Jocelyn e Abdel nos demandèron quinas lengas se parlavan en cò nòstre. Nos avisèrem que mai d’un escolan portàvem de culturas e lengas diferentas a l’ostal. Aquela mixitat culturala es de segur una brava riquesa que dobrís de fait l’alteritat e enriquís la nòstra percepcion del Mond!
 
Al cap de quatre repeticions, començan d’èsser plan al punt sul cant dins las doas lengas.
 
Per clavar la darrièra repeticion abans las vacanças, Jocelyn e Abdel nos ofriguèron una polida presentacion d’instruments tradicionals occitans e arabis.
 
 
 
 
Los calandrons de Carcassona
 
 
 
 
 
 


 


Jornalet a l'escòla

Jornalet a una seccion especifica sus l’escòla occitana. Nos agradariá fòrça que las escòlas, que sián de Calandretas o d’escòlas bilingüas, poguèsson emplenar elas meteissas aquesta seccion amb de nòvas, e que los quites escolans las poguèsson redigir en explicar los faches que fan l’actualitat dins cada escòla: una excursion culturala, la vesita d’una personalitat, una fèsta populara amb los parents, una competicion esportiva, etcetèra. Evidentament, las fotografias, los enregistraments o los imatges de vidèo seràn tras que benvenguts, se n’i a.

 Se cada escòla nos manda quatre o cinc nòvas per an serem plan contents e satisfaches. Pensam que pòt èsser un bon ponch d’amassada per la comunautat educativa occitana, una iniciativa interessanta pels escolans e un esplech de socializacion lingüistica per las familhas dels escolans.

Esperam de poder comptar amb lo vòstre sosten, e esperam que Jornalet serà una aisina utila per las escòlas occitanas. Mandatz-nos las vòstras nòvas a info@jor…    


 

 

 

 

   

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

belugueta
5.

As rason Cristina, es sovent que nos agradariá d'entendre tot aquel trabalh fach per desvelopar coneissença e esperit critic alencòp. Leis enfants d'aquí an besonh d'aquelei duberturas per venir de ciutadans conscients.

  • 10
  • 1
Léon-Marius Montpellier
4.

#3 Lo rap, es plan divèrs... I a de tot, coma dins tota cultura larga...

  • 9
  • 2
REINETA l\'oranesa
3.

M'agradan las musicas arabò-andalusinas, las musicas latinas (diversas lengas d'italia, d'espanha e de sud-america ) e grecas. Pas brica las musicas de las banlègas de l'estat francés e anglo-americanas : per exemple lo rap que tròbi vulgar, antisemita, sexista e sens interés musical

  • 8
  • 10
Mai Republica es abordida mai legiférís !
2.


Pichona granhòta, pichona granhòta ont son tas aurelhas
Ai pas d’aurelhas ai pas d’aurelhas nadi dins lo riu
Coac coac coac…………………………….

Pichona granhòta, pichona granhòta ont as ta Cuiò
Ai cap de cuiò Ai cap de cuiò nadi dins lo riu
Coac coac coac…………………………….

Pichona granhòta, pichona granhòta ont as ta vela ( vela pel batèu)
Ai pas de vela ai pas de vela nadi dins lo riu
Coac coac coac…………………………….

Pichona granhòta, pichona granhòta ont as los uèlhs
Ai pas d’uèlhs ai pas d’uèlhs nadi dins lo riu
Coac coac coac…………………………….


https://www.youtube.com/watch?v=nUHMp939ODY

  • 4
  • 0
Cristina Barnier
1.

Que m'agradariá d'èsser una mirgueta dins lo trauc, dejòs la pòrta de l'armari de la classa, per aprofechar de tot aqueste bon trabalh musical, a l'amagada !
Quin astre !
Mercé pel partatge !
Mercé de nos dire pel concèrt !
Cristina

  • 17
  • 1

Escriu un comentari sus aqueste article