Actualitats
Cinc ans de mai de Macron
Le Pen despassa lo 40% dels vòtes e l’abstencion es la pus nauta de las presidencialas francesas de la Cinquena Republica
Tèxte legit
Emmanuel Macron es estat elegit president de França per cinc annadas de mai, après véncer Marine Le Pen al segond torn de l’eleccion presidenciala francesa. Macron a ganhat sens grand estrambòrd de part dels electors, dins una jornada marcada per l’abstencion mai granda de las eleccions presidencialas de la Cinquena Republica. Lo sentiment d’èsser obligats “de causir entre pèsta e colèra” es estat fòrça generalizat. De soslinhar que, segon los primièrs resultats, Marine Le Pen despassa lo 40% dels vòtes e, per tant, la banalizacion de l’extrèma drecha es màger. En 2017, tanben contra Macron, Le Pen aviá sonque atenh lo 33% dels sufragis exprimits.
Justament, aquel naut nombre d’abstencions l’a soslinhat Jean-Luc Mélenchon, lo tresen candidat mai votat al primièr torn. Pel cap de La França Insomesa, Emmanuel Macron es lo mai mal elegit dels presidents de la Cinquena Republica. Ça que la, a tanplan dich que la desfacha de Marine Le Pen èra una plan bona nòva per l’unitat del pòble francés. Ara, a anonciat que se prepara per las legislativas del mes de junh amb l’objectiu d’aver una majoritat pro solida per demandar que lo nomenen primièr ministre.
De son latz, Marine Le Pen, considèra que son resultat es una “victòria categorica” en prenent en compte las doas setmanas de metòdes “injustes, brutals e violents”, e a dich que sas idèas an agut mai de sosten que jamai: “Dins aquela desfacha, pòdi pas evitar sentir d’esperança”. Dins aquel sens la candidata de l’extrèma drecha a anonciat que demorariá activa politicament, e agacha devèrs las eleccions legislativas ont espèra un bon resultat per far una oposicion fòrta a Macron.
Mentretant, al Camp de Mart a París, l’empont ont parlèt Macron fasiá sonar la cançon One more time de Daft Punk.
E mentre que se teniá lo comptatge dels vòtes, la polícia ataquèt amb de gases lacrimogèns qualques centenas de personas que manifestavan contra Macron a París.
Podètz consultar los resultats oficials sul sit del Ministèri de l’Interior francés.
Justament, aquel naut nombre d’abstencions l’a soslinhat Jean-Luc Mélenchon, lo tresen candidat mai votat al primièr torn. Pel cap de La França Insomesa, Emmanuel Macron es lo mai mal elegit dels presidents de la Cinquena Republica. Ça que la, a tanplan dich que la desfacha de Marine Le Pen èra una plan bona nòva per l’unitat del pòble francés. Ara, a anonciat que se prepara per las legislativas del mes de junh amb l’objectiu d’aver una majoritat pro solida per demandar que lo nomenen primièr ministre.
De son latz, Marine Le Pen, considèra que son resultat es una “victòria categorica” en prenent en compte las doas setmanas de metòdes “injustes, brutals e violents”, e a dich que sas idèas an agut mai de sosten que jamai: “Dins aquela desfacha, pòdi pas evitar sentir d’esperança”. Dins aquel sens la candidata de l’extrèma drecha a anonciat que demorariá activa politicament, e agacha devèrs las eleccions legislativas ont espèra un bon resultat per far una oposicion fòrta a Macron.
Mentretant, al Camp de Mart a París, l’empont ont parlèt Macron fasiá sonar la cançon One more time de Daft Punk.
E mentre que se teniá lo comptatge dels vòtes, la polícia ataquèt amb de gases lacrimogèns qualques centenas de personas que manifestavan contra Macron a París.
Premières lacrymogènes à Châtelet Les Halles et évacuation par la police vers Sébastopol
— Charli (@CharliB97783485) April 24, 2022
@LibreQgpic.twitter.com/KtJ7c65cZn
Podètz consultar los resultats oficials sul sit del Ministèri de l’Interior francés.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#9 Per acarar la macronalha que va encara nos atacar cinc ans de mei, cal unitat de totes los pòbles minòrizats de l'exagòn, Còrsega e de l'ultramar, de la dreita (felibrige) a l'esquerra .
BASTA DE PULITECHELLA !
Que los trabalhadors manuals e intelectuals de las vilas e dels campèstres defensan vertadièrament lor pòble, lor lenga e lor identitat e passan pas lor temps a se pavanar dins los "debats" de las televisions parisencas e a se carpinhar
Resisténcia !
#8 Es elegit, aquel mariòl, mercés a sonque 38,52% del còs electoral : aquò non li fa pas una majoritat. Emai se li 'agrada mai d'o far creire. Avètz fintat lo programme del RN (Reich Nacional pas brica socialista) per çò que tòca a las lengas ditas "regionalas" ? Davant lo de la macronalha, per nosautres totes, es de Caribde en Scilla, coma o contava Omèra. E non vos parli del racisme caracteristic de la melanchonalha que non aviá res de lor envejar sus aquel sicut… Non podèm esperar res per res de França, a l'ora d'ara, es evident.
Jornalet e los sieus legidors poirián nos donar receptas per s'aparar de la macronalha que va nos tustar e insolentar encara mei, ara qu'an ganhat las eleccions à 58 %;
Cal créser que d'unes occitans son masoquitas per aver votat per aquel gus arrogant e mespresant que demai a fach e farà una politica antisociala e antioccitana.
Un retirat
Sabeu si en algun lloc se donen els resultats de les eleccions pel conjunt d'Occitània? Si hi ha estadístiques de tot el país?
#4
E òc ! E an encara mens de vergonha los mèdias qu'invitan una mariòta que la quita mariòta.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari