CAPÇALERA: publicitat jornalet
CAPÇALERA2: FAI-TE SOCI

Jornalet, gaseta occitana d'informacions

Dimenge, 22 de setembre

Actualitats

Dissabte, 2 de març de 2013, 03h00 Sciéncia,Lenga

La còla de Tot en Òc ven de far espelir Firefox en occitan

Jornalet a parlat amb Cedric Valmary de Tot en Òc, la còla de benevòls que dignifican la lenga nòstra dins l’informatica


Comentaris 7 comentaris    
Marrit Flac Bon Plan bon Fabulós (13 vòtes)
carregant En cargar


Ven d’espelir Mozilla Firefox en occitan. Mozilla es pas una entrepresa de logicials mas una comunautat mondiala de benevòls que ne desvolopa. Aquela còla de programaires, de comercials, d’assajaires e quitament d’avocats an la tòca de far de logicials liures per bastir un Mond melhor e que lo web demòre un sit dobèrt, public e partejat.
 
La version occitana nos arriba gràcias a la còla de Tot En Òc, e Jornalet avèm parlat amb Cedric Valmary, un tolosenc que fa partida d’aquela còla e http://totenoc.eu/ son temps “en produsir de traduccions per totes los supòrts electronics o informatics, en lenga occitana”.
 
Valmary nos a contat que lor objectiu es que “los tablèus de bòrd de las veituras, los distributors de bilhets de banca, Facebook, los esmartfòns, los ordenadors e las tauletas, es a dire totes los aparelhs qu’an d’interfàcias electronicas foguèsson disponibles en occitan!”
 
Lo trabalh qu’an menat a tèrme, per ara, es pas pauc. An tradusit una brava part del sistèma operatiu Ubuntu, lo navigador Firefox, las seguidas buroticas OpenOffice e LibreOffice e de logicials coma VLC (vidèo) o PdfCreator. Aquel logicial tradusit en occitan es disponible sul sit Internet totenoc.eu.

La còla de traductors an un enòrme trabalh de far, “sèm pas gaire e penam per trobar de volontaris per nos ajudar”, çò ditz Valmary. Pasmens, son a cercar mai que mai de mond qu’empleguen la lor version de desvolopament de Firefox per lor far saber se i a d’errors: acorchis de clavièr que foncionan pas, ligams mòrts, errors d’ortografia, etc.
 
Per rapòrt a la lenga, la còla de Tot en Òc fan lo logicial en occitan lengadocian, e mai se lor agradariá plan de poder prepausar d’adaptacions dins d’autras varietats de la lenga nòstra. Dins aquel sens Valmary es segur que, se se capita de tradusir un nombre significatiu de logicials, “aquò motivarà ben qualques gascons o provençals... La pluralitat de nòstra lenga nos sembla un tresaur, la volèm manténer e valorizar”.
 
Tanben per çò qu’es de la lenga, Valmary nos a contat que sovent lor a calgut far apèl de lingüistas e de mond competents per tradusir de mots tecnics, dins aquel sens se dison “impacients que lo Congrès Permanent de La Lenga Occitana nos pòsca conselhar”.
 
Tot En Òc recep pas cap de subvencion. L’an pas tanpauc demandada. Trabalhan d’un biais benevòl sens pression. “Nos agrada nòstra libertat de causir nòstre ritme de trabalh e de definir solets nòstras prioritats”.
 
S’agís doncas de logicial liure desvolopat per una còla liura. Esperem, doncas, que siá lèu per una lenga viva d’un país que vòl viure.
 
 
 
 
_____
Lo Grop de Lingüistica Occitana que conselhèt la Generalitat de Catalonha elaborèt una terminologia de las nòvas tecnologias e d’Internet, consultabla en linha.



publicitat
BANER1-2-3: DGPL AN LAFONT



Comentaris

2 de març 20.24h

#2 L'adreiça de la pàgina sus lo mieu site es http://toscanoreinat.chez-alice.fr/informatica.html
(li èra una deca dins lo messatge 2 e ai modificat per levar li majusculas).


Valoriza aqueste comentari:   votar positiu 0   votar negatiu 0
Respondre comentari replica Comentari inadeqüat   Formulari d'abús de comentari

2 de març 20.04h

#3 Completament d'acòrdi per l'escambi de ligams. Es la dralha que cau seguir, per evitar de degalhar d'energia per ren en faguent de causas que son ja estadi fachi...
Veirèm aquò tant leu que possible (m'escrives à partir dau mieu site e si metèm d'acòrdi - eventualament per telefòne).


Valoriza aqueste comentari:   votar positiu 2   votar negatiu 0
Respondre comentari replica Comentari inadeqüat   Formulari d'abús de comentari

2 de març 18.38h

Aquò òc es de bon trabalh! Òsca a tota la còla!


Valoriza aqueste comentari:   votar positiu 5   votar negatiu 0
Respondre comentari replica Comentari inadeqüat   Formulari d'abús de comentari

2 de març 16.23h

Òsca e felicitacions!


Valoriza aqueste comentari:   votar positiu 4   votar negatiu 0
Respondre comentari replica Comentari inadeqüat   Formulari d'abús de comentari

2 de març 15.43h

#2 Adieu Reinat,
Se nos i autorizas, metrem de ligams cap a ton site internet dins lo nòstre, e quitament, te podèm prepausar de metre lo paquets de traduccion que faguères sus nòstre site e de te far passar los dels logicials qu'avèm traduches que los metèsses sul tieu ; farà mai de resson.
Mon intervencion fasiá referéncia a d'escambis qu'avèm agut amb de monde que nos demandavan d'adapcions dialectalas de logicials mas qu'avèm pas jamai revist quand se son avisats del trabalh qu'u... Legir mai


Valoriza aqueste comentari:   votar positiu 8   votar negatiu 0
Respondre comentari replica Comentari inadeqüat   Formulari d'abús de comentari

2 de març 15.00h

Òsca per lo travalh de Tot en òc!
Ma vorrii precisar quauqua ren, à prepaus de “aquò motivarà ben qualques gascons o provençals...":
fa longtemps qu'ai revirat de programas en niçard ò en provençau, sensa asperar l'exemple lengadocian!
PDFCreator, Easycleaner, Star Downloader, Bottin (quasernet d'adreiças), docx2rtf
(avii finda fach lo fichier normal.dot de Word... emai se non l'ai mes à jorn après).
http://toscanoreinat.chez-alicea.fr/INFORMATICA.html


Valoriza aqueste comentari:   votar positiu 6   votar negatiu 0
Respondre comentari replica Comentari inadeqüat   Formulari d'abús de comentari

2 de març 07.57h

plan mercé, tot en oc, per lo vostre trabalh


Valoriza aqueste comentari:   votar positiu 9   votar negatiu 0
Respondre comentari replica Comentari inadeqüat   Formulari d'abús de comentari

5 -10 -20 -totes
1




Comenta

Lo comentari es estat mandat corrèctament



  Previsualiza

La direccion del Jornalet a lo drech de publicar pas los comentaris que respècten pas las nòrmas basicas d'educacion, civisme e dialòg.
publicitat
BANER1-2-3: DGPL TRADUCTOR

Editorial

Jornalet en papièr: la seguida

Dijòus passat a Carcassona, la còla de Jornalet anoncièrem l'intencion de tornar publicar una revista en papièr per l'an 2020. Nòstra idèa es de publicar ...
giny

Lo temps

Mapa
  • sol Agen 15
  • sol Aush 16
  • sol Bordèu 16
  • sol Briançon 13
  • sol Caors 14
  • sol Carcassona 17
  • sol Clarmont-Ferrand 13
  • sol Confolent 14
  • sol Gap 9
  • sol La Canau 17
  • sol La Gàrdia 23
  • sol Limòtges 14
  • sol Lo Borg Sant Dalmatz 14
  • sol Lo Puèi de Velai 13
  • sol Marselha 20
  • sol Montpelhièr 18
  • sol Naut Aran 14
  • sol Niça 19
  • sol Nimes 18
  • sol Pau 16
  • sol Peireguers 14
  • sol Rodés 16
  • sol Tolon 16
  • sol Tolosa 16
  • sol Valença 15

giny

giny

Vidèos

giny

Entrevista

“Volèm recobrar la fiertat d’èsser catalans”

Jordi Riba president de l’Associacion Culturala Vibrant

“Volèm recobrar la fiertat d’èsser catalans”
giny

giny

publicitat

lateral 2 teveoc

Fotografias

  • Asuèlhs comengeses. © Franc Bardòu

    Asuèlhs Comengeses

  • © Franc Bardòu

    Asuèlhs de Lauragués

  • © Salça Morena

    Passeaia nucleària dal Prat (vilar de Sant Dalmaç lo selvatge) a Sant Dalmaç en passar per las baissas de Boneta e de Motiera (auta valaa de Tiniá)

  • © Laurenç Revèst

    Fòrt Maginòt de Sant Anhe

  • Fèsta occitana a Barcelona, a l'ocasion del cinquen anniversari de Jornalet

  • Era còlha dera ADÒC ath trabalh

  • Zep Armentano

    25au Corsa Aran per sa Lengua

  • © Aure Séguier

    Carnaval Biarnés 2017

  • Asuèlhs de Garnagués. © Franc Bardòu

    Asuèlhs de Garnagués

  • Eyes of Simurg 21/6/2017 a Tolosa. Fòto de Barthélémy Nadal

    Eyes Of Simurgh cantan en occitan a Tolosa per la fèsta de la musica 2017

  • Gavotina maritima - Sant Anhe, vilatge sus una pena. © Laurenç Revest

    Gavotina maritima - Sant Anhe

  • © Laurenç Revèst

    Menton, 'a vivaroalpenca maritima

  • © Franc Bardòu

    Coserans al còr

  • © Aure Séguier

    Carnaval Biarnés 2017

  • © Zep Armentano

    Era Mongetada (Val d'Aran 28-29 d'octobre 2017)

  • © Montse Torres -  Arxiu dels Castellers de la Vila de Gràcia

    "Castellers" catalans en Bearn

  • Asuèlhs de Garnagués. © Franc Bardòu

    Asuèlhs de Garnagués

  • Glèisa, cloquièr e muralhon. © Andrea Celauro

    País d'Aison (Val d'Estura)

  • Mentan

  • Briga (val de Ròia)

publicitat

lateral 2 teveoc



publicitat

LATERAL1 300X250: radio pais

Las mai...

publicitat

LATERAL1 300X250: radio pais

giny

Sondatge

Tornariás sosténer una edicion de Jornalet en papièr en 2020?


61%



27%



12%




Vots 33 vòtes

comentaris 0

Bulletin

Se vòls recebre per e-mail los grands títols de Jornalet, abona-te

Adreiça E-mail
       
avís legal
En complir la Lei de Servicis de la Societat de l'Informacion e de Comèrci Electronic e la Lei Organica de Proteccion de Donadas (de l'Estat espanhòl) t'informam que se vòls pas contunhar de recebre lo nòstre bulletin informatiu, te pòdes desabonar a travèrs d'aqueste formulari.



Etiquetas

giny





Jornalet, gaseta occitana d'informacions


Associacion entara Difusion
d'Occitània en Catalonha
(ADÒC)