Bandièra01 capçalera  1180x150: Novestivada

Actualitats

Destinacion: Ais de Provença

| Felix Wong
Vila antica: un pauc d’istòria
 
Fondada dins l’Antiquitat per Caius Sextius Calvinus, Ais de Provença pren son nom dau latin Aquae Sextiae en referéncia ais aigas termalas. De fach, vila d’aiga, Ais es tanben vila de comèrcis en liame amb Marselha. Amb son teatre antic, Ais se desvela coma una vila importanta e mai culturala. Bastís sa reputacion de vila culturalament importanta a l’Edat Mejana per lo rei Rainier, còmte de Provença que va tornar daurar la vila per la construccion d’universitats e de la cort de justícia, contribuís alora au dardalhament culturau, intellectuau e politic d’Ais.
 
 
Vila d’art e d’istòria
 
Vila antica, Ais es provesida d’un fum de monuments arquitecturaus coma lei nombrosei glèisas mas tanben lei nombroseis ostalariás o encara lo grand teatre. Ais a aculhit fòrça personalitats coma Cesana, grand pintre expausat au musèu Granet, çò que li balha una certana reconeissença. Per son patrimòni important e mai per sa cultura, Ais es una vila boleganta, estudianta e tras que toristica. Un fum d’activitats son possiblas, siá mai naturalas e de plen aire sus lo mont Venturi, siá mai culturalas per de vesitas de musèus. I a tanben un fum de festenau e de manifestacions culturaus que se fan lòng de l’annada.
 
 
De mancar pas
 
Dins l’estiu, lo mercat nocturne sus lo Cors Mirabèu recampa un fum de vendeires mai tanben de toristas. En abrieu retrobam lo Festenau dau Tamborin dins lo quau se pòu explorar lo folclòre e la cultura musicala de la vila. La cinquena sason de la biennala d’art e de cultura recampa tanben tot un fum de manifestacions culturalas, de la musica fins au teatre en passant per de conferéncias, se duerbe aquí per la prima fins a mieg abrieu.
 
Mai tardier dins l’annada, Ais acuelhe lo festenau internacionau de l’art liric e tanben lei rescòntres dau noven art a l’entorn de la benda dessenhada.
 
Per leis amorós d’art e especialament de pintura, se pòu tornar sus lei piadas de Pau Cesana que s’inspirèt lòngament dei païsatges de la vila: se pòu començar per la Bastida dau Jaç de Bofant ont retrobam de frescas de l’artista, puèi son obrador (obrador dei Lauvas) qu’acuelhe sovent d’exposicions. La vila a mes en plaça lo ‘Pass Cezanne” que permete de far tot un percors, de prètz reduch, a l’entorn d’aquel artista.
 
 
 
 
 
Estelle Pourcel
Estudianta a l’Universitat Pau Valèri de Montpelhièr

 
 
 

 
 
fffff fffff
 Jornalet a l'escòla

Jornalet a una seccion especifica sus l’escòla occitana. Nos agradariá fòrça que las escòlas, que sián de Calandretas o d’escòlas bilingüas, poguèsson emplenar elas meteissas aquesta seccion amb de nòvas, e que los quites escolans las poguèsson redigir en explicar los faches que fan l’actualitat dins cada escòla: una excursion culturala, la vesita d’una personalitat, una fèsta populara amb los parents, una competicion esportiva, etcetèra. Evidentament, las fotografias, los enregistraments o los imatges de vidèo seràn tras que benvenguts, se n’i a.

 Se cada escòla nos manda quatre o cinc nòvas per an serem plan contents e satisfaches. Pensam que pòt èsser un bon ponch d’amassada per la comunautat educativa occitana, una iniciativa interessanta pels escolans e un esplech de socializacion lingüistica per las familhas dels escolans.

Esperam de poder comptar amb lo vòstre sosten, e esperam que Jornalet serà una aisina utila per las escòlas occitanas. Mandatz-nos las vòstras nòvas a info@jor…
 
   


abonar los amics de Jornalet



 
   
Sextius Calvinus a fondar la vila d’Ais, segon una pintura de Josèp Vilavièlha (1829-1916), 1900
Sextius Calvinus a fondar la vila d’Ais, segon una pintura de Josèp Vilavièlha (1829-1916), 1900

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Guihen de Mount-Pelié Lo Clapàs
5.

#2 Trèva de galejadas, ai pas brica de problèmas ambé los Provençaus qu'escrivon en grafia classica, non. Me pausi encara la question de saber quala es la grafia la mai "estrategica" pel respècte de l'occitan dins lo país nòstre e al-delà. Pas question de mancar de respècte als Provençaus, de quina escòla grafica que sián !

  • 0
  • 0
Albert Puech Rodés
4.

#2 Levat Dominique Sumien e sos amics ( mès Sumien a encara d'amics ?) , i a de provençals qu'escrivon en grafia occitana ? Ont son perqué torne d'un sejorn dins Var, gaire ben cada vilatge e cada vila a son nom, e tot còp lo nom de las carrièiras, escrich en provençal. E vejère pas que de causas escrichas en grafia mistralenca. Lo quite vilatge de Sant Tropez a sas carrièiras en provençal mistralenc.

  • 3
  • 2
Guihen de Mount-Pelié Lo Clapàs
3.

#2 Me desencuse, car moussu, siéu vertadierament descounsoula d'avé oufensa lou pople de Prouvènço...
Aïe aïe aïe...

  • 5
  • 4
Auriga
2.

#1 (...dins Prouvènço) => ...dins Provença

Mostratz un pauc de respècte per lei provençaus qu'escrivon en grafia classica, se vos plai.

  • 3
  • 6
Guihen de Mount-Pelié Lo Clapàs
1.

Mercé per aquel pichon viatge dins Prouvènço.

  • 5
  • 2

Escriu un comentari sus aqueste article