Bandièra01 capçalera  1180x150: Novestivada

Actualitats

Argeria: indignacion per la mòrt en preson d’Hakim Debbazi

Èra detengut per aver publicat sus Facebook de contenguts en favor de las protèstas de l’Hirak

Tèxte legit

La mòrt d’un presonièr de consciéncia argerian a provocat una granda indignacion en aquel país del nòrd d’Africa; jol novèl regim del president Tebboune la repression s’es intensificada contra la libertat d’expression.
 
Hakim Debbazi, un ciutadan argerian de 55 ans, lo detenguèron lo 20 de febrièr a Hadjout, un vilatjòt de la region litorala de Tipaza, a 70 quilomètres a l’oèst d’Argièr. Èra embarrat preventivament dins la preson de Koléa (dins lo wilayat de Tipaza), çò rapòrta Vilaweb. Dimenge, se saupèt qu’èra mòrt  en preson dins de condicions non esclarzidas. Aviá tres filhs.
 
La Liga Argeriana per la Defensa dels Dreches Umans (LADDH) a confirmat que los jutges refusèron fa gaire una demanda de libertat provisòria de Debazzi que s’èra sollicitada a causa de son “inquietant estat de santat”.
 
Debbazi foguèt detengut per las autoritats argerianas, acusat de publicar contengut prò-Hirak dins son compte Facebook. Lo compte de Debbazi, qu’es encara en linha, compren de declaracions prò-Hirak e de vidèos contra lo regim produches per d’argerians que demòran a l’estrange.
 
La mòrt de Debbazi a agreujat los sentiments de colèra e d’injustícia de fòrça algerians, qu’acusan l’estat d’èsser dirèctament responsable de la mòrt de l’activista. S’estima que i a aperaquí tres cents presonièrs de consciéncia en aquel país.

 


abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article