Bandièra01 1180x150: Comuna de Tolosa

Actualitats

Rugbi de XIII: Lesinhan e Dragonets passan los barratges

Las Divessas Catalanas ganhan 3 partidas de rugbi de IX dins lo primièr torn del campionat anglés
Las Divessas Catalanas ganhan 3 partidas de rugbi de IX dins lo primièr torn del campionat anglés | Dragons Catalans

Tèxte legit

Rugbi de XIII: Lesinhan e Dragonets passan los barratges
 
Atal van las cronicas esportivas: las vertats d’un jorn son lèu desmentidas.La setmana passada, vos parlàvem d’una esquipa de Lesinhan en dificultat. Aqueste dimenge, vaquí que joguèt amb vam e disciplina.Entre la vintena e la trentena minuta, faguèt la diferéncia amb 3 ensages marcats als avinhonencs. Los molinièrs confirmèron dins lo segond temps per se qualificar 46-12 per la mièja finala.
 
La partida foguèt mai disputada a Albi. Los locals menèron fàcia als Dragonets 24-12, mas los catalans tornèron a egalitat 24-24. Ne calguèt passar per las prolongacions: una pauma perduda e èra l’ensag catalan de la qualificacion 28-24.
 
Dissabte, Carcassona reçauprà Lesinhan e dimenge, los Dragonets aniràn desfisar Limós a l’Agulha.
 
En U19, Albi (que ganha a Carcassona: 32-22) e Lesinhan (que va batre Limós: 21-18) jonhon Tolosa e lo XIII catalan ja qualificats per las mièjas finalas.
 
En Elèit 2, Pià acaba la fasa de classament amb totas las partidas ganhadas (18 victòrias!):  dissabte, un tombat faguèt la diferéncia fàcia a Vilagalhenc-Argon: 23-22.
 
Superliga:  los catalans domdan un tigre desurpat
 
Divendres de ser, a Brutus, aprèp la tièra de nafraduras, èra dètz jogaires occitans e catalans qu’èran dins lo grop catalan. Tyrone May, reposicionat a la mesclanha, distribuiguèt plan lo jòc, que foguèsse a la man o al pè; Matieu Laguèrra marquèt 3 ensages e los catalans ganhèron: 44-12.
 
Dissabte, foguèt uncòp de mai complicat pels jogaires del Tolosa Olimpic cò d’Hull FC. Los occitans foguèron dominats: 48-12.
 
De notar la brava victòria de Wigana Warrington 40-22.
 
Dissabte 7 de mai, plaça a las mièjas finalas de la Cup: Huddersfield-Hull KR e Wigan-Saints Helens son al programa.Las doas partidas se jogaràn a Leeds ont se tendrà tanben la finala de la Cup femenina entre Leeds e Saint Helens.
 
 
Las catalanas son divencas
 
L’esquipa de las Divessas Catalanas èran convidadas al campionat anglés de rugbi de IX a Warrington. Joguèron e ganhèron las tres partidas disputadas: 35-0 fàcia a Hull FC; 18-10 fàcia a Wigan; 33-5 fàcia a Wakefield. Un palmarés de tria que las qualifica per la fasa finala de la competicion.
 
 
NRL:  los Vaquièrs son en forma
 
Diluns passat, Melbourne passèt un 70-10  als neozelandeses. Aqueste dimenge, baton Newcastle 50-2. Dissabte, es sus un tombat de Shaun Jonhson en prolongacions que los neozelandeses baton Canberra 21-20. Los Vaquièrs confirman lor vam novèl en ganhant 35-4 fàcia a las Anguialas de Parramatta dins una partida deslocalizada a Darwin. Lo XIII cèrca totjorn de s’espandir sul territòri australian.
 
 
 
 
Alan Roch
 
 

 

abonar los amics de Jornalet

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article