Bandièra01 1180x150: Comuna de Tolosa

Actualitats

crotz-tolosaCreated with Sketch.GuianaCarcinLimarga e Segalar Carcinòl

Naut Carcin: torna lo festenal Escambis après dos ans de pandemia

Del 20 al 22 e mai se tendrà l’eveniment de cultura occitana de referéncia amb un programa ric e cargat per totes los publics

| www.espacioccitancarcinol.com

Tèxte legit

Après dos ans de pandemia, torna en Naut Carcin lo festenal Escambis. L’eveniment de cultura occitana de referéncia arriba ongan del 20 al 22 de mai amb un programa ric e cargat per totes los publics. Aurà luòc a Sant Seren, Banas e Sant Joan de la Ginèsta. Lo festenal Escambis es organizat per l’associacion Aquí l’Òc, e receb lo sosten de Jornalet.
 
Al programa i a de cants, de comptinas, de poesia, de danças, de teatre, un concors d’arts viventas, de cinèma en occitan e mai de rescontres amb d’artisans e productors, de concèrts, de balètis... e de qué manjar e beure amb una beguda e un taulièr de produches culturals occitans.
 
Aquel festenal en Carcin a la particularitat de s’adreiçar a un public larg: los que parlan occitan o non, los que son d’aicí o non... Tradicion e modernitat se conjugan per far descobrir e partejar nòstra cultura e nòstra lenga. Joves e mens joves se retròban dins de domenis tan variats coma lo cinèma, la musica, la dança, l’artisanat, la literatura, la poesia, l’istòria o lo conte.

 
 
Per mai d’informacion e reservacions
— Telefòn: +33(0)6 73 62 64 63
— E-mail: asso.aquiloc@gmail...
— Sit web: www.espacioccitancarcinol.com

 
 



 
abonar los amics de Jornalet

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article