Bandièra01 1180x150: Comuna de Tolosa

Actualitats

La licéncia d’occitan a l’Universitat Pau Valèri

Amb aqueste article, esperam de faire venir de mond per nos succedir

| Gisèle Naconaski

Vos anam parlar de nòstra cara licéncia d’occitan a l’Universitat Pau Valèri de Montpelhièr que nos ten al còr. Per nosautres, es una licéncia importanta que fa partida de l’avenidor per la lenga occitana. E al fial del temps, los estudiants se fan escasses. Amb aqueste article, esperam de faire venir de mond per nos succedir.


Per començar, cal saber que l’occitan es pas una lenga mòrta! (Coma o diguèt un de nòstres collègas a de mond dins lo tram: “Avètz l’impression que soi mòrt?”) Nòstra lenga, fa partida de las lengas latinas, e aquò es una bona causa per nosautres! Sabètz perqué? Perque las lengas romanicas que son l’occitan, lo francés, l’italian, l’espanhòl etc., an las meteissas rasics. E per tant l’apròchi de las lengas es mai aisit. L’occitan a per exemple mai d’una semblança amb l’espanhòl e l’italian. Per vos provar que nòstra lenga es ben viventa, vos anam presentar nòstras matèrias:
 
Istòria de la lenga occitana e sa cultura. Es fòrça interessant de vèire l’istòria de França jos l’agach del mond d’Occitània. Vesèm las causas d’un autre biais, amb l’istòria de la lenga, aprenèm la cultura de la lenga d’òc. Las tradicions, las especialitats de cada region, per exemple.
 
— Dins la cultura aprènem la literatura modèrna, mas tanben la literatura medievala. Avèm pas gaire de publicitat per los autors occitans. Mercés als professors, podèm descobrir aquesta fasa de l’occitan dins lo mond modèrne. La descobèrta dels trobadors es tanben rica per nosautres e es important de veire la debuta de la literatura occitana.
 
La gramatica es importanta tanben per una lenga viventa! En mai d’aquò, fasèm tanben de traduccion. Çò que nos ajuda per lo vocabulari.
 
L’expression orala e escricha. Dins aqueste cors, trabalham nòstre parlar. Perque, coma o sabètz, i a pas sovent d’escasenças per parlar occitan dins nòstra familha, amb nòstres amics o encara dins la vida de cada jorn.
 
Didactica/ lingüistica. Dins aquestes corses, aprenèm las especificitats de la lenga occitana, e doncas los dialèctes de l’occitan: lo lengadocian, lo provençal, lo gascon, lo lemosin, l’auvernhat, lo vivaroalpenc. Vesèm la diversitat d’Occitània, que va delà las frontièras de França.
 
 
L’ambient
 
L’ambient dins la licéncia d’occitan es mai familial que per las autras, perque sèm pas fòrça dins la classa. D’efièch, es mai aisit de charrar amb totes, tant amb los professors coma amb los estudiants.
 
Los professors son mai presents per nos ajudar dins nòstre percors. Per nos sosténer dins nòstres devers, per nos balhar de conselhs per nos melhorar, a l’escrich coma a l’orau… Nos balhan de conselhs sus l’avenidor e lo percors de faire après la licéncia tanben. Son a l’escota de nòstres dobtes.
 
Vos podètz tanben faire un rapid retrach de nòstres professors per vos balhar una idèa de perque son tan genials. Fan fòrça causas per la lenga, a despart de l’ensenhar a l’universitat o encara dins lo second gra coma o fan quauques unes d’entre eles. Avèm un professor qu’es cantador, d’autres qu’escrivon de libres, d’autres encara qu’an obtengut l’agregacion en occitan… Son de vertadieras personalitats dins lo mond de l’occitan, e sèm encantats de los conéisser! Es un onor!
 
Un autre bon ponch per nosautres es nòstra Bibòc! Nòstra Bibòc es una bibliotèca normal        a, mas qu’a mai d’una foncion, que los estudiants las avèm inventadas! Fasèm servir la bibliotèca d’occitan coma un luòc per manjar. Es un vertadièr endrech de convivialitat per charrar, mas tanben un endrech de trabalh. E i podèm anar quand o volèm se trobam qualqu’un qu’a la clau!
 
Amb tot çò que venèm de vos dire, vos podèm afirmar qu’aquesta licéncia nos va vertadièrament mancar!
 
 
L’Avenidor
 
Amb la licéncia d’occitan, avèm la possibilitat de venir professor, tant dins lo primièr coma dins lo segond gra, e aquò tre la fin de la licéncia! Après, podèm faire un mastèr per puèi passar lo concors (CRPE per lo primièr gra; CAPES per lo segond gra), per aver l’estatut oficial de professor.
 
Mas i a evidentament mai d’un mestièr en mai de professor!
 
Coma per exemple trabalhar dins los archius al CIRDÒC de Besièrs, o encara èstre traductor, escriure de libres, los editar dins d’ostals d’edicion...
 
 
 
 
Morgana Privat e Èlsa Degardin

 

 
fffff fffff
 Jornalet a l'escòla

Jornalet a una seccion especifica sus l’escòla occitana. Nos agradariá fòrça que las escòlas, que sián de Calandretas o d’escòlas bilingüas, poguèsson emplenar elas meteissas aquesta seccion amb de nòvas, e que los quites escolans las poguèsson redigir en explicar los faches que fan l’actualitat dins cada escòla: una excursion culturala, la vesita d’una personalitat, una fèsta populara amb los parents, una competicion esportiva, etcetèra. Evidentament, las fotografias, los enregistraments o los imatges de vidèo seràn tras que benvenguts, se n’i a.

 Se cada escòla nos manda quatre o cinc nòvas per an serem plan contents e satisfaches. Pensam que pòt èsser un bon ponch d’amassada per la comunautat educativa occitana, una iniciativa interessanta pels escolans e un esplech de socializacion lingüistica per las familhas dels escolans.

Esperam de poder comptar amb lo vòstre sosten, e esperam que Jornalet serà una aisina utila per las escòlas occitanas. Mandatz-nos las vòstras nòvas a info@jor…
 
   





 
abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Mai Republica es abordida mai legiférís !
2.

A Pau i a Vairon e ... sabetz çò qu'es... Un guèine e una mandra a l'encòp, los dos costats del veston abenats de tant que los a virats e revirats.

Tanben vèsi pas cossi venetz far la raunhòla aquiu.....

  • 3
  • 1
Adixats
1.

Que sia a Tolosa o Montpelhièr, lo gascon qu'ei tant per tant tolerat...e a Pau, que la ns'an tirada la licéncia! Per çò qui ei deu gascon, qu'ei fotut...benlèu dab l'occitan qu'auràn mei bona sòrta...Bon coratge a tots, vesins occitans!

  • 18
  • 29

Escriu un comentari sus aqueste article