Bandièra01 1180x150: País Invisible

Actualitats

Argeria: l’activista anticorrupcion Muhammmad Benhalima condemnat a mòrt

Las autoritats espanhòlas l’avián extradit per adocir la crisi diplomatica entre los dos païses

Tèxte legit

Un tribunal militar d’Argeria a condemnat a la pena capitala l’èx-militar e activista anticorrupcion Mohamed Benhalima, que denoncièt la corrupcion de l’armada dins sa cadena YouTube e que participèt al movement popular qu’en 2019 tombèt lo president Abd Al Aziz Butefliqa. Benhalima partiguèt en exili a l’estat espanhòl e demandèt la proteccion internacionala. Mas las autoritats espanhòlas l’extradiguèron devèrs Argeria. Ara, a l’atge de 32 ans, es condemnat a mòrt.
 
Benhalima demorèt 3 ans dins l’estat espanhòl. Durant aquel temps, Amnestia Internacionala intercediguèt per el e demandèt al govèrn espanhòl que l’extradiguèsse pas devèrs Algèria pr’amor que podiá subir de torturas en preson, coma s’es documentat que s’es passat amb d’autres activistas. Totun, lo Ministèri de l’Interior del govèrn de Pedro Sánchez n’aprovèt l’extradicion per adocir la crisi diplomatica entre aqueles dos estats a causa de la traïson espanhòla envèrs lo Sahara Occidental.
 
A l'ora d'ara, en Algèria i a una moratòria de las execucions de las penas capitalas, mas es una decision temporària e lo govèrn argerian pòt decidir que se reprengan a quin moment que siá. A mai, son entorn denóncia qu’es maltractat en preson.
 
 


 
abonar los amics de Jornalet
 
 


 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article