Actualitats
Turquia met son vèto a l’intrada de Finlàndia e Suècia dins l’OTAN
Ankara acusa los dos païses de voler pas extradir trenta militants curds acusats de terrorisme en Turquia
Tèxte legit
Turquia a exercit formalament son drech de vèto e rebuta l’intrada de Finlàndia e de Suècia dins l’OTAN, qualques oras après que los doas païses formalizèron lor sollicitacion d’accès. Aital, a blocat las negociacions d’accès que devián començar ièr dimècres, en tot dificultar l’intrada rapida que l’aliança prevesiá.
Ankara acusa los govèrns suedés e finlandés de collaborar amb de grops curds que considèra coma de fòrças terroristas, çò rapòrta The Financial Times. A mai, acusa tanben Suècia d’aculhir de membres del movement de Fetullah Gülen, un gropuscul islamista qu'Ankara crei qu’orquestrèt la temptativa de còp d’estat de 2016.
Dins una intervencion parlamentària aqueste dimècres de matin, lo president turc, Recep Tayyip Erdoğan, acusèt los païses occidentals de non respectar pas la sensibilitat d’Ankara e expliquèt que Suècia e Finlàndia volián pas extradir trenta militants curds enseguits per terrorisme en Turquia. “Demandèrem los trenta terroristas e nos diguèron: «Los vos donarem pas.» […] Liuran pas los terroristas, mas vòlon per contra jónher l’OTAN. Podèm pas dire de òc a una organizacion de seguretat ont i a pas cap de seguretat”, çò precisèt Erdoğan.
Totjorn dimècres, los mèdias turcs publiquèron una lista de las dètz condicions que lo govèrn turc acceptariá per permetre l’intrada de Suècia e Finlàndia dins l’OTAN, dont restrénher los contactes amb lo Partit dels Trabalhadors Curds (PKK) o ben enebir los mèdias suedeses afiliats a Gülen.
Lo secretari general de l’Aliança Atlantica, Jens Stoltenberg, diguèt dimars que “cal prene en consideracion los interèsses de seguretat de totes los aliats”, e aital declarèt que l’OTAN èra determinada “a resòlver tot problèma per pervenir a una solucion rapida”. E apondèt: “Totes los aliats son d’acòrdi sus l'importància d’espandir l’OTAN. Totes sèm d’acòrdi que nos cal demorar amassa, e que nos trobam a un moment istoric que cal aprofechar.”
Ankara acusa los govèrns suedés e finlandés de collaborar amb de grops curds que considèra coma de fòrças terroristas, çò rapòrta The Financial Times. A mai, acusa tanben Suècia d’aculhir de membres del movement de Fetullah Gülen, un gropuscul islamista qu'Ankara crei qu’orquestrèt la temptativa de còp d’estat de 2016.
Dins una intervencion parlamentària aqueste dimècres de matin, lo president turc, Recep Tayyip Erdoğan, acusèt los païses occidentals de non respectar pas la sensibilitat d’Ankara e expliquèt que Suècia e Finlàndia volián pas extradir trenta militants curds enseguits per terrorisme en Turquia. “Demandèrem los trenta terroristas e nos diguèron: «Los vos donarem pas.» […] Liuran pas los terroristas, mas vòlon per contra jónher l’OTAN. Podèm pas dire de òc a una organizacion de seguretat ont i a pas cap de seguretat”, çò precisèt Erdoğan.
Totjorn dimècres, los mèdias turcs publiquèron una lista de las dètz condicions que lo govèrn turc acceptariá per permetre l’intrada de Suècia e Finlàndia dins l’OTAN, dont restrénher los contactes amb lo Partit dels Trabalhadors Curds (PKK) o ben enebir los mèdias suedeses afiliats a Gülen.
Lo secretari general de l’Aliança Atlantica, Jens Stoltenberg, diguèt dimars que “cal prene en consideracion los interèsses de seguretat de totes los aliats”, e aital declarèt que l’OTAN èra determinada “a resòlver tot problèma per pervenir a una solucion rapida”. E apondèt: “Totes los aliats son d’acòrdi sus l'importància d’espandir l’OTAN. Totes sèm d’acòrdi que nos cal demorar amassa, e que nos trobam a un moment istoric que cal aprofechar.”
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#5
Estrambordanta retòrica de remifada
A la fin de l’URSS l’OTAN auriá degut èsser sòlbuda, d’aqui estant que l’OTAN aviá estada creada en responsa a l’URSS.
Aver pas sòlbut OTAN es una error, de per sa natura e creacion OTAN es plan una amenaça per Russia qu’es pus URSS.
Turquia es dins l’OTAN dempuèi 1952 ambe la basa d’incirlik (La figariá, còsta Adana) e candidata a l’ EU dempuèi 1987 reconeiguda per Europa coma candidata en 1999 al conselh d’Helsinki. Las negociacion an estadas dièrpas dempuèi 2005 e s’esperlongan...lol.
La question de l’intrada Turca pausa un ramelet de questions que tornan sus cinc punts :
Istoric, Demografic, Religiós, Geòpolitic, natura del projecte Europenc.
Ambe sos 83,1 milhons d’estatjants en 2020, Turquia auriá un pes d’importancia dins europa, sariá lo dosen país lo mai poblat darrèr Alemanha ambe sos 83,2 milhons d’estatajants e passariá bel primièra lèu fach.
L’òme a totjorn agut besonh de se far des termièras, de notar que l’Oral (pichona montanheta aissidament rescompassable, sariá la termièra dentre Europa e Asia. Se Turquia es pas en Europa, Georgia e plan d’autres i son pas tanben.
Las termièras dichas naturalas o autras s’apevan sus la geòpolitic del moment. (siás dins lo capèl o i siás pas) e pòt cambiar rapòrt a l’anglada de vista.
Los Turcs, l’òme de la carrièra, an virat l’esquina a Europa an plan encapat qu’èron pas lo planvenguts.
Lo 18 de mai d’ongan riva anatoliana (asiatic) los airals de Kadikoy e Moda
https://www.youtube.com/watch?v=NqJ_lF_GW30
E una escorreguda en asia tanben Antalya
https://www.youtube.com/watch?v=iwQ3N3UTY_A
E fin finala me disi qu’as plan rason : sariá una pachacada pels turcs de s’anar entrometre dins Europa.
Nos i encontrarèm cal sap un jorn del costat de la Göksu river ataulats cap una bona botelha de Yakut o de çankaya.
Turquia a pas res a far dins l'OTAN, pas pus que dins Europa. Aquel païs oriental e musulman que son dictator de president se congosta de longa a nos far de cantatge dèu èsser lèu escampat d'aquesta organizacion occidentala militària qu'es l'OTAN. Per que las causas siaguen claras e lindas cal saupre ont penjar son lum.
Doas cansons
https://www.youtube.com/watch?v=9uzDj9GmWTA&list=RDGMEMQ1dJ7wXfLlqCjwV0xfSNbAVM9uzDj9GmWTA&start_radio=1
Hadi Merve
Eras mon primièr.
Sabiái pas, fusquèri enganada de per la color del mond
ai estada guilhada pel sòmi, de badas ai brandada
Me pensavi qu’èras a iò per totjorn
Me morissi siás mon poison
Eras mon primièr siás ma fin
Ai cap de mots qu’aguèsson pas despallats dins iò
Siás anat abraçar una autra branca
Mon còr crèi pas ton absencia
Siás vengut mas lagremas siás mon infèrn
Eras mon primièr siás ma fin
Soi esquèrra ai pas desgalhat mon còr, brica nhafrada
Enfòra de tu ai pas fach ostal
Eras mon endins siás vengut mon defòra
Mond messorguièr
Avetz totjorn plorat ? Avetz totjorn brandat ?
Me podiái pas riser tanpauc
Dins aiceste mond de messorgas
Pensatz que siaguèssi Astruc dins mon còr
Dins aquel mond que pana ma vida
Oc ben dins lo mond messorguièr, dins fals mond
Dins lo mond que me somríus
As plorat carida miá, ai brandat
Me pensavi que lo mond sariá dins mon còr
Ai estat guilhat de badas, guilhat de badas
Dins lo mond que la color s’ecafar enant mos uèlhs
O dins lo mond messorguièr, dins lo fals mond
Dins aquel mond que me somríus
O sabi amor meu anavas plan
Eri tròp per tu
Lo nivòl es devengut crum a plegut sus iò
Dins lo mond claufit de lagremas
Lo nivòl es devengut crum a plegut sus iò
Dins lo mond que me somríus
Manji pas, bebi pas, pertasti pas
Me soi plorada coma un esquèr rossinhòl
Non ai poscut l’obtener me damora una enveja
Me vau dins lo mond daissat entre tos mans
Dins lo mond que me somríus
O dins lo mond messorguièr, dins lo fals mond
Cambia dels pairòls traucats e raucs occitanistas !
#1 Potina, Lachaud, Erdogan, mèsma combat !
#1 President Lachaud, ordonatz e farem segon la volontat vostra, amen.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari