Bandièra01 1180x150: País Invisible

Actualitats

Lapsus linguae de George W. Bush

En tot ensajar de criticar l’invasion d’Ucraïna, l’èx-president estatsunidenc a en realitat criticat l’invasion d’Iraq, qu’el meteis ne foguèt lo responsable

Tèxte legit

Lapsus linguae de l’èx-president estatsunidenc George W. Bush. Dins un parladís que faguèt dimècres passat a Dallas, lo 43n president dels Estats Units declarèt a prepaus de Russia e de Putin : “La decision d'un òme de lançar una invasion totalament injustificada e brutala d'Iraq”. Sul pic rectifiquèt per dire: “Vòli dire d’Ucraïna... en Iraq... bon, aquò rai"; puèi, en tot badinar, trobèt l’excusa de son atge avançat (75 ans).
 
La reaccion del public foguèt de ne rire, mas los imatges an percorregut lo Mond en tot remembrar que foguèt precisament el lo principal responsable de l’invasion d’Iraq en 2003, quand pretendèt qu’en Iraq i aviá d’armas de destruccion massissa… jamai trobadas dempuèi alara. Aquela guèrra s’esperlonguèt fins a 2011 e daissèt la region completament devastada e desestabilizada, en tot causar la mòrt de mai de 100 000 iraquians e 4500 soldats estatsunidencs. Per aquela guèrra, Bush tenguèt lo sosten del primièr ministre del Reialme Unit Tony Blair e del president del govèrn espanhòl José María Aznar. S’i opausèt fermament lo president francés Jacques Chirac.

 



abonar los amics de Jornalet

 

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article