Actualitats
Primièr Late Night Show en aragonés
S’emet los dimècres de ser a la television d’Aragon e sa primièra difusion a ben capitat
Tèxte legit
La television d’Aragon, Aragón TV, prepausa dempuèi dimècres passat un Late Night Show presentat en lenga aragonesa e entitolat “A escampar la boira” (vòl dire: «Vai avalir la nèbla»). La primièra emission foguèt una reüssida d’audiéncia segon Aragón TV. S’agís d’un programa de ser dirigit e presentat per Jorge Pueyo que prepausa, amb d’umor, de monològs e d’entrevistas. Los collaboradors s’i exprimisson en aragonés o en catalan.
Pueyo es un jove avocat que se consagrèt a l’audiovisual en aragonés après lo grand succès qu’aguèt amb sos vidèos sus Twitter e Instagram. A tanben fach lo reportèr dins “Charrín Charrán”, qu’èra fins ara la sola emission de television en aragonés. Tanben a collaborat amb l’emission “Despierta Aragón” d’Aragón Radio.
En febrièr passat, Gabrièu Pelisson difusèt una convèrsa amb Jorge Pueyo dins son emission de YouTube “Parpalhon Blau”.
Pueyo es un jove avocat que se consagrèt a l’audiovisual en aragonés après lo grand succès qu’aguèt amb sos vidèos sus Twitter e Instagram. A tanben fach lo reportèr dins “Charrín Charrán”, qu’èra fins ara la sola emission de television en aragonés. Tanben a collaborat amb l’emission “Despierta Aragón” d’Aragón Radio.
En febrièr passat, Gabrièu Pelisson difusèt una convèrsa amb Jorge Pueyo dins son emission de YouTube “Parpalhon Blau”.
Gran estreno de #AEscamparLaBoira en @aragontv con @jorge_pueyo95 .
— CARTV (@CARTV_) May 26, 2022
30.000 personas contactaron con el programa.
Aprovechamos para pedir disculpas por el retraso en la hora de inicio.
Programa completo https://t.co/NNuHHdnDXgpic.twitter.com/K6LGjNx5ZV
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3 Cresi qu'es lo nom d'una emission americana coneguda e populara.
Qu'es aquò, un "Lèit Nait Shòu" ? Non entendi pas plan aquesta fòrma d'occitan… Perqué nos servir aquò en anglés ? Non seriá pas pro simple de nos parlar mailèu d'un espectacle de fin de serada ?
#1 Serí mès nuançat. Solide que's sembla una emisison americana, mes d'un aute costat, s'aquò pèrd dens l'originalitat, benlèu i ganha per rénder la lenga vesedera a totis, e especialament au joens. Veire d'aiga a lieja plen, a mieja vueit....
Tant qui'ns prénim los americans com modèle, n'anirà pas miélher...pas òsca, malaja dobleban!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari