Tèxte legit
Aqueste dissabte de vèspre, es dins l’estadi de Tottenham que se debanava la finala de la Cup entre Wigan e los Gigants d’Huddersfield. Davant 52 000 espectators, la partida tenguèt totas sas promessas dins l’intensitat de la batèsta. Nafrat, lo catalan Fages poguèt pas menar las manòbras dels Gigants que marquèron una penalitat dins lo primièr quart d’ora, puèi un ensag. Wigan egaliza; Huddersfield torna marcar e mena 10-6 a la pausa.
Wigan marca tre la represa e pren l’avantatge 12-10. L’encrosilhada se perseguís: Huddersfield punta l’ensag e pren l’avantatge 14-12. Wigan aurà lo darrièr mot 16-14 sus un ensag (a la 76a minuta) marcat aprèp una passa al pè. Huddersfield animèt lo jòc, mas, pel vinten còp, Wigan empòrta lo trofèu.
Superliga: entre jòc e contractes
Aprèp aquesta pausa-Cup, la competicion de Superliga va reprene. Se parla a l’encòp del terren e de composicion d’esquipas per la sason venenta que los clubs an dreit de discutir amb los jogaires en fin de contracte.
Atal, se sap que los dos pilars Dudson e Kasiano daissaràn los Dragons per Warrington en 2023. Los catalans an perlongat Sam Tomkins e fait signar de contractes novèls a Matieu Laguèrra e Jordan Dezaria. Los catalans reçaupràn lo refòrt del pilar NRL tongan dels Roosters Siosiua Taukeiaho.
Lo talonaire d’Albi Nathan Peats, qu’arribava d’Huddersfield, rejonh sul pic lo Tolosa Olimpic.
Per ne tornar a las realitats del terren, los Dragons reçaupràn los finalistas de la Cup, Huddersfield, aqueste divendres de ser (20h30) per refortir lor segonda plaça e, dissabte de vèspre (18h), es lo campion Saint Helens que tornarà rescontrar lo Tolosa Olimpic. La primièra oposicion s’èra acabada sus una victòria occitana: lo meteis final dins aquesta partida novèla?
Lo campion d’Elèit 2 serà catalan
En Elèit 2, los darrièrs representants occitans, los jogaires de Vilagalhenc-Argon, faguèron pas lo pes en mièja finala en tèrra catalana fàcia a Baó: desfaita neta, 44-30.
En finala, que se jogarà aqueste dissabte 4 de junh a Lesinhan, Baó tornarà trapar Pià, que se qualifica contra Illa. Foguèt pas aisit: menats 26-12 a la pausa, los pianencs capitan de ganhar 36-33. Pià ensajarà d’acabar la sason sens cap de desfaita per justificar sa demanda de montada en Elèit 1.
A l’Escura, Tonens ganha la finala del campionat de Nacionala fàcia a Realmont: 24-14.
NRL: capvirament de situacion pels Lapinons
Festenal de punts en NRL per aquesta dotzena jornada de campionat que celebrava los pòbles aborigèns. Cada esquipa portava un malhòt original dessenhat per d’artistas autoctòns. Una presa de paraula sus la question del respècte dels pòbles e un còp de digeridó precedissián cada partida. Ont ondejava la bandièra indigèna.
Divendres, sus lor pelena, los Lapinons son menats 24-4 a la pausa per Titans, mas capviran la situacion e ganhan 35-24.
Lo cap de fila Penrith rebuta la menaça dels Vaquièrs: 22-0. Melbourne domina Manly: 28-8. Un super Tedesco mena los Polets a la victòria sul terren de las Làmias: 36-16.
Aquesta fin de setmana, solas quatre partidas de campionat se jogaràn: Titans-Vaquièrs; Pantèras-Dògols, Manly-Neozelandeses, Canberra-Polets. Las autras formacions an dreit a una pausa. Aquesta jornada precedís lo debanament de la primièra oposicion del State of Origin lo dimècres 8 de junh a Sydney.
De notar lo cambiament bèl al cap del governament australian: aprèp las eleccions legislativas, lo primièr ministre sosten de las Làmias es remplaçat per un laborista partenari dels Lapinons!
Alan Roch
Wigan marca tre la represa e pren l’avantatge 12-10. L’encrosilhada se perseguís: Huddersfield punta l’ensag e pren l’avantatge 14-12. Wigan aurà lo darrièr mot 16-14 sus un ensag (a la 76a minuta) marcat aprèp una passa al pè. Huddersfield animèt lo jòc, mas, pel vinten còp, Wigan empòrta lo trofèu.
Superliga: entre jòc e contractes
Aprèp aquesta pausa-Cup, la competicion de Superliga va reprene. Se parla a l’encòp del terren e de composicion d’esquipas per la sason venenta que los clubs an dreit de discutir amb los jogaires en fin de contracte.
Atal, se sap que los dos pilars Dudson e Kasiano daissaràn los Dragons per Warrington en 2023. Los catalans an perlongat Sam Tomkins e fait signar de contractes novèls a Matieu Laguèrra e Jordan Dezaria. Los catalans reçaupràn lo refòrt del pilar NRL tongan dels Roosters Siosiua Taukeiaho.
Lo talonaire d’Albi Nathan Peats, qu’arribava d’Huddersfield, rejonh sul pic lo Tolosa Olimpic.
Per ne tornar a las realitats del terren, los Dragons reçaupràn los finalistas de la Cup, Huddersfield, aqueste divendres de ser (20h30) per refortir lor segonda plaça e, dissabte de vèspre (18h), es lo campion Saint Helens que tornarà rescontrar lo Tolosa Olimpic. La primièra oposicion s’èra acabada sus una victòria occitana: lo meteis final dins aquesta partida novèla?
Lo campion d’Elèit 2 serà catalan
En Elèit 2, los darrièrs representants occitans, los jogaires de Vilagalhenc-Argon, faguèron pas lo pes en mièja finala en tèrra catalana fàcia a Baó: desfaita neta, 44-30.
En finala, que se jogarà aqueste dissabte 4 de junh a Lesinhan, Baó tornarà trapar Pià, que se qualifica contra Illa. Foguèt pas aisit: menats 26-12 a la pausa, los pianencs capitan de ganhar 36-33. Pià ensajarà d’acabar la sason sens cap de desfaita per justificar sa demanda de montada en Elèit 1.
A l’Escura, Tonens ganha la finala del campionat de Nacionala fàcia a Realmont: 24-14.
NRL: capvirament de situacion pels Lapinons
Festenal de punts en NRL per aquesta dotzena jornada de campionat que celebrava los pòbles aborigèns. Cada esquipa portava un malhòt original dessenhat per d’artistas autoctòns. Una presa de paraula sus la question del respècte dels pòbles e un còp de digeridó precedissián cada partida. Ont ondejava la bandièra indigèna.
Divendres, sus lor pelena, los Lapinons son menats 24-4 a la pausa per Titans, mas capviran la situacion e ganhan 35-24.
Lo cap de fila Penrith rebuta la menaça dels Vaquièrs: 22-0. Melbourne domina Manly: 28-8. Un super Tedesco mena los Polets a la victòria sul terren de las Làmias: 36-16.
Aquesta fin de setmana, solas quatre partidas de campionat se jogaràn: Titans-Vaquièrs; Pantèras-Dògols, Manly-Neozelandeses, Canberra-Polets. Las autras formacions an dreit a una pausa. Aquesta jornada precedís lo debanament de la primièra oposicion del State of Origin lo dimècres 8 de junh a Sydney.
De notar lo cambiament bèl al cap del governament australian: aprèp las eleccions legislativas, lo primièr ministre sosten de las Làmias es remplaçat per un laborista partenari dels Lapinons!
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Fin d-finala, la finala d'Elèit-2 se farà lo dimenge 12 de junh a Brutús (16h30).
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari