Bandièra01 1180x150: La Passem

Actualitats

InternacionalSocietat

Vendon a l’enquant lo trofèu de l’Eurovision per crompar de drònes per l’armada ucraïnesa

Lo grop ucraïnés que ganhèt lo festenal europèu de la cançon a fach un concèrt de benfasença a Berlin per tal de combatre l’invasion russa

| Christophe Gateau / dpa / Badische Neueste Nachrichten

Tèxte legit

Kalush Orchestra, lo grop ucraïnés que ganhèt lo festenal de l’Eurovision, n’a vendut a l’enquant lo trofèu. Los 900 000 dolars obtenguts seràn destinats a crompar tres drònes per l’armada ucraïnesa que combat l’invasion russa. La venda a l’enquant se faguèt dimenge passat dins l’encastre d’un concèrt de benfasença a Berlin, davant la pòrta de Brandeborg.
 
La tòca del concèrt, al qual participèron d’autras bandas ucraïnesas, èra que l’invasion russa s’acceptèsse pas “coma un fach normal”, çò diguèt lo membre del grop Oleg Psiuk. La banda a mercejat sus Facebook lo mond pels dons amassats e sustot lo crompaire del trofèu, una societat de gestion de criptomonedas qu’a son sèti en Estònia:
 
“Sètz incresibles! Mercés plan a totes los qu'avètz fach de dons en aquela venda a l’enquant, e un grand mercé especial a Whitebit, qu'a crompat lo trofèu per 900 000 dolars e ara n’es lo proprietari legitim”.
 
L’eveniment foguèt menat per Sergei Pritula, un celèbre presentaire de television ucraïnés.
 

 
 
 

abonar los amics de Jornalet

 

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Pitaluga
1.

A, per un còp la saussa misicala servís a quicòm !

  • 7
  • 3

Escriu un comentari sus aqueste article