Bandièra01 capçalera  1180x150: Novestivada

Actualitats

La Caravana per la Dignitat del pòble wixarica es arribada dins la ciutat de Mexic

Après una caminada de 32 jorns, revendican la restitucion de mai d’11 000 ectaras de tèrras ocupadas per de minaires e d’elevaires

Tèxte legit

Après una marcha a pè de 32 jorns, la Caravana per la Dignitat del pòble wixarica arribèt dimenge passat dins la ciutat de Mexic. Revendican la restitucion de mai d’11 000 ectaras de tèrras ocupadas per de minaires e d’elevaires. Mentre qu’espèran d’èsser recebuts pel president del país, Andrés Manuel López Obrador, se son installats jos 50 tendas e dos capitèls.
 
“Sèm aicí per recuperar nòstras tèrras, sèm partits fa un mes per que l’estat mexican escote aquesta crida”, çò dison los pòrtavoses de la comunautat wixarica. “Sèm aicí per defendre nòstre territòri, pr’amor qu’es aquí que persistisson nòstra identitat, nòstra lenga, nòstras nòrmas intèrnas e nòstre patrimòni”, çò precisan en denonciant una “violència sistemica” que daissa “ los pòbles indigènas sens vòtz”.
 
Lo pòble wixarica, conegut coma “huichol” en espanhòl, es un dels que presèrva mai lo biais de viure ancestral. Lo conflicte territorial comencèt amb la concession del govèrn mexican a una societat minièra canadiana per esplechar l’argent que se tròba dins las montanhas que los wixarika considèran sagradas. Per eles, aqueles endreches ocupats son la basa de lor vision del Mond.
 
Lo combat del pòble wixarica es arribat al cinèma amb dos documentaris; en 2014 Kabopro Films prepausèt  Eco de la montaña (Resson de la montanha) e en 2015, Nicolás Echevarría presentèt Huicholes: los últimos guardianes del peyote (Wixaricas, los darrièrs gardians del peyotl). Aqueles filmes explican las vicissituds d’aquel pòble fàcia a l’ocupacion de lors tèrras e lo desinterès qu’an mostrat los govèrns mexicans successius.


 
 
 


abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

"Tàrrega" Igualada (PP.CC.)
2.

Algú s'ha de moure enmig de tanta massacre i destrucció, els Wixarika almenys ho fan, no ho podrem fer la resta, entre tant polític inútil el Poble és qui ha d'agafar les regnes.
Ho farem!?
Visca la Terra...Lliure1
L'Ernest, "El Tàrrega".

  • 0
  • 0
Pitaluga
1.

Paure Mexic, tan luènh de Dieu e tan prèp dels Estats Units !

  • 3
  • 0

Escriu un comentari sus aqueste article