Actualitats
Lo president de l’Union Africana rescontra uèi Vladimir Putin
La tòca es de contribuir a una resolucion pacifica de l’invasion d’Ucraïna. Africa patís fòrça lo blocatge dels fertilizants e de las cerealas
Tèxte legit
La tòca, segon l’UA, es de contribuir a una resolucion pacifica de l’invasion d’Ucraïna. Pasmens, lo govèrn de Senegal espèra que la reünion poirà ajudar a tornar mandar de cerealas e fertilizants, ara per ara blocats dins los pòrts ucraïneses.
Macky Sall diguèt a la Comission Economica per Africa de las Nacions Unidas (UNECA) que l’UA li aviá donat un mandat per portar las inquietuds d’Africa a Vladimir Putin. A mai, lo president ucraïnés, Volodimir Zelenski, tanben parlarà amb l’UA per videoconferéncia a una data qu’es de definir.
Segon la ministra dels afars estrangièrs d’Alemanha, Annalena Baerbock, i a 25 milions de tonas de blat blocadas dins los pòrts ucraïneses, e Russia se servís d’aquelas cerealas per menaçar “d’una famina brutala” coma “damatge collateral” de las sancions economicas.
#UPDATE The head of the African Union, Senegal's president Macky Sall, will speak with President Vladimir Putin in the Russian city of Sochi on Friday, Dakar said, with the visit aimed at "freeing up stocks of cereals and fertilisers", Sall's office added https://t.co/4Qrrc5JoUupic.twitter.com/nzwco7MstZ
— AFP News Agency (@AFP) June 2, 2022
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari