Actualitats
Duèl estrech entre l’union de las esquèrras e lo macronisme a las eleccions legislativas francesas
De seguir lo resultat qu’aurián obtengut la federacion de partits sobeiranistas Regions e Pòbles Solidaris, e especialament sa lista occitanista Endavant
Tèxte legit
Duèl estrech entre l’union de las esquèrras e lo macronisme a las eleccions legislativas francesas. La Nòva Union Populara Ecologica e Sociala (NUPES) de Jean-Luc Mélenchon e la coalicion Renaissença que la dirigís lo president francés, Emmanuel Macron, atenherián un pauc mai del 25% dels vòtes caduna e caldrà seguir de près lo comptatge definitiu.
Quant a la rèsta de partits, lo Recampament Nacional, de Marine Le Pen, auriá obtengut a l’entorn del 19% dels vòtes, e lo partit conservator Los Republicans e sos aliats emportarián aperaquí l’11%. Reconquista, de l’ultradrechista Éric Zemmour, arribariá pas al 4% e son cap, que se voliá far elegir en Provença maritima, passa pas al segond torn.
L'esquèrra francesa pòt venir pro fòrta per menaçar la majoritat absoluda del camp presidencial, e Macron seriá obligat de far una politica fòrça drechista se li calguèsse lo supòrt dels Republicans.
De seguir lo resultat qu’aurián obtengut la federacion de partits sobeiranistas Regions e Pòbles Solidaris, e especialament sa lista occitanista Endavant, presenta, amb 32 candidats, sus tot lo territòri occitan, amb una etiqueta “Òc per Provença” dins aquela region occitana. Tanben dins aquela federacion se presentava en Bretanha Paul Molac, qu’amb mai del 37% ganha dins sa circonscripcion e passarà al segond torn. Lo resultat de Molac nos interèssa especialament perque esperam que contunharà, dins la legislatura que ven, son òbra per la reconeissença de las lengas minorizadas. RPS tanben ganha, ara per ara, dins tres circonscripcions de Corsega.
Quant a la rèsta de partits, lo Recampament Nacional, de Marine Le Pen, auriá obtengut a l’entorn del 19% dels vòtes, e lo partit conservator Los Republicans e sos aliats emportarián aperaquí l’11%. Reconquista, de l’ultradrechista Éric Zemmour, arribariá pas al 4% e son cap, que se voliá far elegir en Provença maritima, passa pas al segond torn.
L'esquèrra francesa pòt venir pro fòrta per menaçar la majoritat absoluda del camp presidencial, e Macron seriá obligat de far una politica fòrça drechista se li calguèsse lo supòrt dels Republicans.
De seguir lo resultat qu’aurián obtengut la federacion de partits sobeiranistas Regions e Pòbles Solidaris, e especialament sa lista occitanista Endavant, presenta, amb 32 candidats, sus tot lo territòri occitan, amb una etiqueta “Òc per Provença” dins aquela region occitana. Tanben dins aquela federacion se presentava en Bretanha Paul Molac, qu’amb mai del 37% ganha dins sa circonscripcion e passarà al segond torn. Lo resultat de Molac nos interèssa especialament perque esperam que contunharà, dins la legislatura que ven, son òbra per la reconeissença de las lengas minorizadas. RPS tanben ganha, ara per ara, dins tres circonscripcions de Corsega.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#25 Es polit d'efièch, tot plen de romantisme e de retorica poetica.
Mas es politicament d'un sègle de retard: vesi pas çò que podèm "bastir" amb aquò dins lo pais real que i vivèm totes (a despart d'escriure de libres dins una lenga pauc legida e d'ensenhar de causas qu'interessan pauc de monde).
Es una postura de compensacion psicologica per trobar una bèutat a la desfacha e la pèrda.
Una postura que pòt pas convéncer que los convençuts.
#25
Es pas una pensada poetica, es una pensada batissadoira qu’avetz !
A l’encontra de çò dich, cap de nacion, cap de pòble es eissit alestit del capèl. Tot es eissit de per la volontat de viure, de cresença en el meteis e sobretot de per las circonstancias de l’istòria.
Malastrudament a l’enta de brotar çò qu’èra en passa de venir Occitània es estat afrabat per doas potencias, una per l’espandiment d’un territòri, l’autre per servar son espandi religiós.
Se deviá existir que çò qu’as ja existís, sariá pas plan mond sus terra, astrudament avèm la creacion amanés (a portada de man)
#16 Ramenar mos argulments culturals a d'elements de sexualitat solitària non vos donara pas rason… Prentednre que lo que non pensa coma vos es caluc o inconscient non vos donarà pas rason tanpauc. Me mandar dins un "camp e re-educacion" per m'apréner a pensar coma cal non empacharà pas l'aiga d'èsser banhada… Que ma pensada d'Occitania siá "poëtica" se pòt pro plan explicar. Sonque de poètas atestèron a travèrs l'istòria d'una unitat culturala occitana : los trobadors. Lo quite concèpte d'Occitania es estat teorizat e illustrat per de poètas (Mistral, que parlava dels païses de Lenga d'Òc, puèi los autres felibres, Perbòsc e Estieu, que lo disián per son nom, Occitania). E donc, se pensi coma "un poèta", vist çò que soi, non se'n cal estomacar. Lo mai clar del temps, non son pas los poètas que declaran las guèrras, las exterminacions (fisicas o linguisticas), qu'instauran las insofriblas inegalitats socialas, fondamenta de las injustícias socialas (que siá economicas, ecologicas o/e cuturalas).
#15 Quand un pòble (definit per sa lenga, plan segur) geina l'espandiment d'un empèri, es fòrça pragmatic de l'exterminar (fisicament e/o culturalament). Ne podètz demandar confirmacion a Franco, a Erdogan o a totas las rasclanhas que voldretz que tròba normal d'afortir una politca culturala que fa del nòstre pòble res mai qu'un "sòmni poetic". Lo pragmatisme, ieu, lo tròbi con coma drapèl.
Ai pas encara vist la resulta, per "Endavant" sabi pas, per contra pels provençalistas (Òc per Provença), aqueste còp, sens lo sosten dels ecologistas d'esquèrra, serà complicat. A las regionalas, los ecologistas esqueristas de Provença èran partenaris de "Òc per Provença", mès aqueste còp, an sostengut la NUPES o an presentat lors pròpis candidats.
#22 L'occitanisme es benleu un jacobinisme como los autres.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari