Actualitats
Israèl: debat parlamentari per interdire la bandièra palestiniana
Se l’iniciativa arriba a son tèrme, lo secutament del senhal se farà dins l’encastre d’un nòu episòdi de tension en Cisjordania
Tèxte legit
A l’iniciativa del partit Likud de l’èx-primièr ministre Binyamin Netanyahu, lo parlament israelian debat de l’interdiccion de la bandièra palestiniana dins las institucions finançadas per l’estat, compresas las universitats publicas e las institucions culturalas. Uèi per uèi, aquela bandièra es pas illegala, mas la polícia la pòt confiscar jol pretèxt de protèstas politicas, causa frequenta dins los territòris ocupats dempuèi 1967. Es aital que comencèt l’ataca policièra de las funeralhas de la jornalista Shireen Abu Akleh, fa un mes, e que se detenguèt de mond qu’i avián portat de drapèls palestinians.
Se l’iniciativa arriba a son tèrme, lo secutament del senhal palestinian se farà dins l’encastre d’un nòu episòdi de tension en Cisjordania. Aquí la tension creis cada jorn a causa de la confiscacion de tèrras palestinianas pels colons israelians. L’ÒNU e l’UE an demandat a Israèl d’arrestar aqueles desplaçaments forçats de palestinians.
Se l’iniciativa arriba a son tèrme, lo secutament del senhal palestinian se farà dins l’encastre d’un nòu episòdi de tension en Cisjordania. Aquí la tension creis cada jorn a causa de la confiscacion de tèrras palestinianas pels colons israelians. L’ÒNU e l’UE an demandat a Israèl d’arrestar aqueles desplaçaments forçats de palestinians.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#3 Desparlatz. Avètz drech de criticar l'estat d'Israèl. Un fum de gents critican l'estat d'Israèl. Es quicòm que se passa sovent dins nòstre país.
L'acusacion d'antisemitisme es pas sistematica envèrs lei gents que critican Israèl.
#2 "Empachar un pòble d'existir e de s'exprimir per via democratica aquí ont a sempre viscut" es e demòra "empachar un pòble d'existir e de s'exprimir per via democratica aquí ont a sempre viscut". E non vesi perqué Espanha, França, Turquia, Israël, China, Estats Unitis o Russia, o tot autre territòri (oficial o non) fasent valer la lei triviala del mai fòrt qu'esclafa lo mai feble s'amerita una critica en regla, que ne soi liure, e que n'usi sense vergonha. Fins que lo mai fòrt esclafe lo mai feble, plan segur. E fau, (me'n perdonaretz o non) una idèa un pauc mai nauta e ambiciosa de l'umanitat, tot accpetant lo risc de n'anar plan decebut, tostemps. E totun, aquí soi, "toçudament alçat", coma o canta tant justament Lluís Llach.
#1 Dins l'ordre mondial actual jos domenacion occidentala ("Pax Occidentalis") existis un implicit : tota critica d'Israël vos fai automaticament passar per antisemita, es a dire per lo Diable. De facto, aquel Estat es intocable, se priva pas de n'usar e de n'abusar. Fins a quora ?
#1 Pas la meteissa causa, en absolut, e mai sián doás injustícias. Cal far mèfi! La generalizacion retorica es dangieirosa.
L’ÒNU e l’UE an demandat a Israèl d’arrestar aqueles desplaçaments forçats de palestinians. E qu'an demandat a Castilha quand an mandada la polícia fendasclar lo cap dels electors catalans que participavan a un referendum totun democratic ? Res… Ben venguts a l'esquizoclub !
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari