Bandièra01 capçalera  1180x150: Novestivada

Actualitats

crotz-tolosaCreated with Sketch.GasconhaVal d'Aran

17 de junh: Hèsta d’Aran

Hè 31 ans dera restauracion deth Conselh Generau, eth mès naut organ de govèrn aranés e era principau administracion autonòma de tota Occitània

| Conselh Generau d'Aran
Era Val d’Aran que celèbre aué era sua Hèsta Nacionau, en rebrembe dera arrecuperacion des sues institucions. Dempús d’ua setmana d’eveniments, se debane aué er acte oficiau enes roïnes deth Santuari de Mijaran après era tradicionau recepcion des autoritats ena sedença deth Conselh Generau e era desfilada de pendons.

Enguan, era Medalha d’Aunor deth Conselh Generau d’Aran s’a autrejat ara doctora Immaculada Caubet coma arreconeishença ara sua trajectòria ath servici des ciutadans, e eth Prèmi 17 de Junh l’an emportat es centres educatius dera Val d’Aran e es sòns professionaus. Agèr s’autregèren es prèmis Aran de Literatura e Mossèn Condò Sambeat.
 
 
31 ans d’autogovèrn

Era data deth 17 de junh que mèrque era restauracion deth Conselh Generau, qu’ei eth mès naut organ de govèrn aranés e, ath madeish temps, era principau administracion autonòma de tota Occitània. Justament per açò, era accion e era politica deth govèrn aranés son un exemple e un referent entà toti es occitans, que ven coma ua part deth sòn país ei estat capabla d’arribar a un govèrn autonòm damb tota era sua dignitat, en tot perméter era arrecuperacion dera lengua e dera cultura.

Era Val d’Aran qu’auec es sues institucions pròpries enquia 1834 quan sigueren suprimides pera reina espanhòla Isabèu II, qu’empleguèc era fòrça entà dissòlver es organismes tradicionaus aranesi. Un sègle mès tard, pendent era Dusau Republica Espanhòla, se sagèc de tornar as aranesi eth sòn govèrn autonòm tradicionau, mès era revòlta ultradretista e fascista deth generau Francisco Franco e era dictatura posteriora ac empedic. Calec demorar enquia 1991, quan eth govèrn catalanista dera Generalitat de Catalonha, pressionat peth movement ciutadan aranés des Terçons, restaurèc eth Conselh Generau e ne convoquèc es prumères eleccions entà tornar as aranesi eth sòn regim d’autogovèrn.

 

abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article