Bandièra01 1180x150: País Invisible

Actualitats

Setena edicion de la World Stars Ski Event a Limon Pemont (Val Vermenanha)

| Tiziano L. U. Caviglia
Dissandes 2 de mars s’es debanaa la setena edicion de l’eveniment de la World Stars Ski Event. Limon recebèt una equipa de celebritats menaa per SAS lo Príncipe Albert II de Mónego, per una competicion caritativa sus las pistas de la “Riserva Bianca”, per fin de reculhir d’argent per lhi enfants defavorits. 
 
Cristina Chiabotto, originària de la vila de Moncalieri (plana dal Pemont), jornalista a la RAI e anciana Miss Itàlia de 2004 èra la mairina d’aquela jornaa. Lo public limonasc venguèt decò per encoratjar la “Star Team for the Children” compausaa de Manèl Filibert de Savòia, Ari Vatanen, Jarno Trulli, Vitantonio Liuzzi, Riccardo Patrese, Claudio Chiappucci, Johnny Cecotto, Luca Filippi, Gilles Panizzi, Igor Latinovic, Emanuele Pirro, Alessandro Colturi, Camilla Alfieri, Isolde Kostner, Bibiana Perez, Alessandra Merlin, Daniela Ceccarelli, Ezio Gianola, Jure Kosir, Peter Runggaldier e Dindo Capello.
 
A 10h30 i aguèt una davalaa d’eslalòm gigant parallèl sus la pista Gorby e a 14h30 una competicion de biatlon a Limon 1400. Chal notar que l’estacion d’esqui de Limon vòl estrechinar mai lhi liams abó Mónego, que recèp tota l’annaa un baron d’esquiaires venguts dal departiment de las Alps Marinas, dal Principat de Mónego mas egalament de la Província d’Imperia.
 
 
 
 
Laurenç Revèst

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article