Bandièra01 1180x150: País Invisible

Actualitats

Arriba lo prèmi Ostana en convivéncia amb los artistas premiats

De deman fins a dimenge, la Val Pò aculhirà, en 44 lengas, lo festenal màger de la biodiversitat lingüistica

| Premio Ostana

Tèxte legit

Comença deman la 14a edicion del prèmi Ostana, escrituras en lenga maire, ja consolidat coma lo festenal màger de la biodiversitat lingüistica. Organizat per la Chambra d’Òc, l’eveniment, que de costuma guierdona los activistas de las lengas minorizadas, se ten en convivéncia amb los artistas premiats. La còla de Jornalet i serem presents.
 
Aital, de deman fins a dimenge, lo vilatge de la Val Pò aculhirà 44 lengas parladas suls 5 continents: albanés de Kosova e d’Itàlia, amazigh de Cabilia, armèni, basco, breton, catalan, chovash, cimbri, cornic, creòl capverdian, curd, ebrieu, eslovèn, even, friolan, frison, gaelic irlandés, galèc, galés, grecocalabrés, guaraní, huave, innu, ioruba, ladin, maltés, maòri, mazatèca, navaho, neonorvegian, occitan, ròm, romanch, sami, sarde, sheiene, shuar, tibetan, totonaca, walser e las minoritats oralicas de Russia e karenicas de Birmania e Tailàndia.
 
Entre tantas activitats, soslinham la taula redonda sus la lenga a l’escòla, las convèrsas amb Fredo Valla e amb Paulina Kamakine, los debats sus l’identitat, las passejadas literàrias amb los artistas, e d’expèrts analisaràn la situacion de l’aragonés, del catalan, del tibetan, del breton, etc.





 

abonar los amics de Jornalet

 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article