Bandièra01 1180x150: Comuna de Tolosa

Actualitats

Melilla: 37 migrants mòrts en seguida de la brutalitat de la polícia marroquina

Ensajavan de sautar la barrièra frontalièra amb l’estat espanhòl

Tèxte legit

Massacre de migrants a la frontièra de Melilla après l’accion de la polícia marroquina quand ensagèt, divendres, d’evitar un saut massís de la barrièra transfrontalièra a Melilla. D’organizacions umanitàrias establidas en Marròc estiman que lo nombre de victimas mortalas seriá de 37.
 
Dins los imatges publicats suls rets socialas se pòt veire d’agents de la polícia marroquina a lançar de gases lacrimogèns contra los migrants qu’ensajavan de sautar la barrièra, mentre que qualques policièrs lor getavan de pèiras. De son latz, l’ONG AMDH Nador a denonciat que las fòrças de l’òrdre abandonèron sus plaça los migrants reprimits pendent d’oras, “çò que faguèt aumentar lo nombre de mòrts”.
 
Los imatges mòstran los migrants amolonats sul sòl sens recebre cap sòrta d’ajuda, del temps que de desenas de policièrs los environan. De fach, en qualques cases los policièrs los baton amb de matracas amb acarnament.
 
 
Pedro Sánchez saluda l’accion de la polícia marroquina
 
Mentretant a Brussèlas, lo president del govèrn espanhòl, Pedro Sánchez, defendiá l’accion de la polícia marroquina: “An trabalhat d’a fons per evitar aquel assaut violent”, çò diguèt.
 
E l’endeman dissabte, après la reünion del conselh dels ministres espanhòls, Sánchez tornèt dire que condemnariá pas l’accion e saludèt “lo trabalh del govèrn marroquin, en coordinacion amb las fòrças espanhòlas, per ensajar de frenar aquel assaut violent que cercava de remetre en causa l’integritat territoriala” d’Espanha. Tanplan declarèt que las solas colpablas d’aquelas mòrts son las màfias que trafegan amb d’èssers umans.
 
Divèrsas ONG an publicat un comunicat qu’exigís de las autoritats espanhòlas e marroquinas qu’entamenen una enquista per que s’assumisca las responsabilitats. A mai, reclaman que dins la zòna se respècte los dreches umans e que cèrquen de vias seguras per empedir que l’immigracion venga una caça al tresaur marcada per la violéncia, la dolor e la mòrt.
 
 
 

abonar los amics de Jornalet

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Serge Muret
3.

Le racisme des Maghrébins envers les Africains subsahariens est immense. Qui est allé au Maghreb une fois et a parlé avec des Marocains, Algériens ou Tunisiens le sait. Même les plus racistes des Européens n'oseraient pas dire en public ce que disent les gens là-bas, sans aucune sorte de vergogne ni de gêne. En fait, ils sont terrorisés à l'idée d'un déferlement subsaharien dont ils seront les premières victimes. C'est hallucinant !
Ici en France, les tensions entre Maghrébins et Subsahariens, même quand ces derniers sont musulmans, sont de plus en plus graves.

  • 0
  • 0
DAVID
2.

#1 Mejor no decir nada... Pedro Sanchez te lleva Espana a la ruina. Franco no es el monstruo que tantos describen, aui en este foro.

El problema, es porque esta gente hace tantos kilometros para venir y como podemos ayurdarlos

  • 0
  • 0
fabre
1.

Cal dire:pedro sanchez bahamonte caudillo de españa por la gracia de dios.

  • 1
  • 3

Escriu un comentari sus aqueste article