Bandièra01 1180x150: País Invisible

Actualitats

L’armada turca a tuat la presidenta de la branca femenina del PKK

Segon los servicis secrets turcs, Delal Azizoğlu es estada tuada en Curdistan meridional, precisament dins lo districte de Solimania

Tèxte legit

Los servicis secrets turcs confirman qu’an tuat Delal Azizoğlu, escaissada Raperin. Èra una nauta dirigenta del Partit dels Trabalhadors de Curdistan (PKK) e presidenta del Partit de las Femnas Liuras de Curdistan (PAJK), la branca femenina del PKK.
 
Segon los servicis secrets, Azizoğlu es estada tuada en Curdistan meridional, precisament dins lo districte de Solimania. En mai d'èsser al comandament del PKK èra tanben membre del Congrès de Curdistan.
 
D’autre caire, lo Ministèri turc de la Defensa a informat que dins la nuèch de divendres a dissabte, tuèron sèt membres del PKK e de las Unitats de Proteccion Populara (YPG) en Curdistan meridional e en Rojava.




abonar los amics de Jornalet

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article