Tèxte legit
Per acabar la fasa de classament, las dotze formacions de Superliga an dotze partidas de jogar en dètz setmanas.
Aqueste maraton comença mal tanplan per Tolosa, despassat divendres de ser a Wigan 40-6, coma pels catalans. A Castleford, los Dragons acaban la partida a egalitat 16-16, mas lo tombat balha la victòria als angleses al punt en aur: 17-16.
Se Warrington bat Hull FC 4-0, las autras partidas vegèron una larga dominacion dels venceires: 42-12 per Saint Helens fàcia a Leeds; Huddersfield ganha a Hull KR: 38-10, e Salford passa un 78-10 a Wakefield.
Aqueste dissabte 2 de julhet, los Dragons reçaupràn lo campion Saint Helens (a 18h) alara que Tolosa jogarà a domicili fàcia a Hull KR (21h).
Los Andi-Dragons èran tanben en Anglatèrra per disputar la finala de la Cup. Una Copa que portaràn pas en país catalan vist que Leeds ganhèt la finala 48-34.
La bèla decisiva per l’State of Origine
Las doas partidas de l’State of Origine foguèron jol signe del blau.
Divendres, victòria de la formacion femenina de Nòvas Galas de Sud fàcia a Queensland: 20-14.
Dimenge, los Blaus prenon lor revenge del primièr rescontre: menan 14-12 a la pausa abans de s’envolar dins lo segond temps: 42-12. La tresena partida de Brisbane, lo 13 de julhet, serà doncas decisiva per conéisser lo venceire de la tièra 2022.
Una dimenjada internacionala
Qualques rescontres internacionals èran al programa de la dimenjada. Tònga foguèt pas a la nautor de sa reputacion a Auckland e los Kiwis ganhèron: 26-6. En dobertura, victòria tanben de las femnas neozelandesas: 50-12.
Dins l’estadi dels Tigres a Campbelltown, Samoa, que serà dins lo grop de França a la Copa del Mond, batèt las illas Cook: 42-12. En seguida, Papoa-Nòva Guinèa ganhèt fàcia a Fiji 24-14. De senhalar tanben la victòria de Liban, que prendrà part a la Copa del Mond, sus Malta: 30-14.
Pià en Elèit 1
La federacion a confirmat que la formacion catalana de Pià, campiona d’Elèit 2 e de tot biais sola candidata a la montada, seriá plan lo desen club a disputar lo campionat d’Elèit 1 la sason venenta Per ara, Albi fa un esfòrç bèl de recrutament; Vilanòva e Sent Gaudenç vòlon tornar partir sus de basas novèlas per èsser competitius.
Alan Roch
Aqueste maraton comença mal tanplan per Tolosa, despassat divendres de ser a Wigan 40-6, coma pels catalans. A Castleford, los Dragons acaban la partida a egalitat 16-16, mas lo tombat balha la victòria als angleses al punt en aur: 17-16.
Se Warrington bat Hull FC 4-0, las autras partidas vegèron una larga dominacion dels venceires: 42-12 per Saint Helens fàcia a Leeds; Huddersfield ganha a Hull KR: 38-10, e Salford passa un 78-10 a Wakefield.
Aqueste dissabte 2 de julhet, los Dragons reçaupràn lo campion Saint Helens (a 18h) alara que Tolosa jogarà a domicili fàcia a Hull KR (21h).
Los Andi-Dragons èran tanben en Anglatèrra per disputar la finala de la Cup. Una Copa que portaràn pas en país catalan vist que Leeds ganhèt la finala 48-34.
La bèla decisiva per l’State of Origine
Las doas partidas de l’State of Origine foguèron jol signe del blau.
Divendres, victòria de la formacion femenina de Nòvas Galas de Sud fàcia a Queensland: 20-14.
Dimenge, los Blaus prenon lor revenge del primièr rescontre: menan 14-12 a la pausa abans de s’envolar dins lo segond temps: 42-12. La tresena partida de Brisbane, lo 13 de julhet, serà doncas decisiva per conéisser lo venceire de la tièra 2022.
Una dimenjada internacionala
Qualques rescontres internacionals èran al programa de la dimenjada. Tònga foguèt pas a la nautor de sa reputacion a Auckland e los Kiwis ganhèron: 26-6. En dobertura, victòria tanben de las femnas neozelandesas: 50-12.
Dins l’estadi dels Tigres a Campbelltown, Samoa, que serà dins lo grop de França a la Copa del Mond, batèt las illas Cook: 42-12. En seguida, Papoa-Nòva Guinèa ganhèt fàcia a Fiji 24-14. De senhalar tanben la victòria de Liban, que prendrà part a la Copa del Mond, sus Malta: 30-14.
Pià en Elèit 1
La federacion a confirmat que la formacion catalana de Pià, campiona d’Elèit 2 e de tot biais sola candidata a la montada, seriá plan lo desen club a disputar lo campionat d’Elèit 1 la sason venenta Per ara, Albi fa un esfòrç bèl de recrutament; Vilanòva e Sent Gaudenç vòlon tornar partir sus de basas novèlas per èsser competitius.
Alan Roch
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari