Bandièra01 1180x150: Comuna de Tolosa

Actualitats

crotz-tolosaCreated with Sketch.ProvençaComtat VenaicinComtat Venaicin

Emma Daumas a donat naishença a una pichona

Emma Daumas, mieja-finalista de la Star Academy 2, es aüra mama. Anoncièt dimars passat sus Facebook la naishença de son primier enfant, una nenona nomenaia Valentine.


Aquela chantaira al percors de performaira es naishuá Manuelle Daumas en 1983 a Avinhon e a creishut dins una familha de melomanes. Escriu de textes tre l’atge de 12 ans. Va enregistrar son primier títol “Stupid boy”. Après lo piano, pren de corses de guitarra. Explòra arèi lo chant e la scèna en entrant a 15 ans a l’escòla de musica de Vilanòva d’Avinhon. Acaba 8a dal concors de chant de Laudun en interpretant “Dis-moi pourquoi” una de sas composicions denant 700 espectators. Tres ans mai tard, remportarà aquel concors de chant.
 
En 2000, es retenguá a “Graines de stars”, l’emission animaia per Laurent Boyer. Après un bachileirat literari, arresta sos estudis e se consacra a sa vocacion. Son estil musical es lo pòp-ròck. Fa de scènas en faguent las premieras parts d’artistas tals coma Carlos, Éric Collado, las bandas Gold e Émile et Images, Noëlle Perna al Casino de Joan dei Pins (Antíbol) e tantben coma Michael Jones al cabaret “Le Rouge-Gorge” a Avinhon en 2001.
 
En 2002 tòcha un public larg en participar a la “Star Academy” ont arriba a la mieja finala de la sason 2, eliminaa faça a la bretona Nolwenn Leroy.
 
Despí lo succès dal single “Tu seras” en 2004, la chantaira avinhonesa fasiá plus tant parlar d’ela. Contunhava de far de musica a Avinhon, e qualquas aparicions a la TV en 2011, mas despí aquel temps plus ren. La rockaira anoncièt la bòna novèla a sos fans via Facebook: “Vistes lo nombre dals messatges inquiets a prepaus de ma carriera, (…) e per rassegurar aquelos que me sostènon, ai decidit de sortir de ma cauquilha per vos anonciar la naishença de ma filha Valentine, çò escriguèt”. A decidit de viure plenament aquelos moments, alora los fans d’Emma Daumas an ancara d’esperar un pauc.
 
A fach una quinzena de singles, de clips e quatre discs “Le saut de l’ange” (novembre de 2003) disc d’aur ambé 165 000 exemplaris venduts, “Effets secondaires” (febrier de 2006) ambé 42 000 exemplaris venduts, “Le chemin de la maison” (novembre de 2008) ambé 12 000 exemplaris venduts e “Les larmes de crocodile et autres fables” (30 d’auctòbre de 2010).
 
 
 
 
Lo zapaire

Etiquetas

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Antòni La Cauna
14.

#12 S'òm ama perdre de temps e qu'òm se pausa la question de l'interés -ò del malcorament- a prepaus d'un article d'aquela mena, jo, me soi sempre demandat de qu'èra l'interés de parlar de fotbòl (ò quitament de vèlo, d'esqui, ecc.) en occitan ? E m'estona que -sembla ben- degun se pause la question, pòsque remetre en causa, parle del seu malcorament a prepaus de l'interés d'aquels espòrts ?
Per exemple, tot aquel mond fotbalistic es plan pagat. A degunament de besonh que li faguèssem de publicitat (se'n parla sus totes los mèdias) e subretot la quasi totalitat d'aquel mond conoisse degunament l'occitan (s'es pas que d'unes se'n dèvon chautar coma de l'an quaranta)... E aquò dèu plan èsser parier dins mitan dels artistas...

Alora, m'estona que demandessiatz pas que parlem sonque de fotbolaires que parlèsson occitan : www.occitania-fotbol.com !
Qu'els se'n parla jamai pron !

  • 5
  • 0
Sòca dançaire Babasoc
13.

#9 A Niça (Nissa) se ditz parier "guet".
E en Torbia i es la "Carriera dau guet". Se tròba mau traduch en francés "Rue du guet" (que seria alora la carriera de l'agachon).

  • 1
  • 0
pjm romega lunh d'aquí
12.

#6 çò que hètz se sona procès d'intencion. qui parla de hèser elitisme ?
jo parli tot dòi de ne pas prénder lo pòble per pècs. es pas pr'amor critiqui la mèrda que'ns servís tf1 que'm vòli clavar dens una cultura supausada superiora. la causa es que Emma Daunàs n'es pas cultura populària, en nat punt. es una creacion de directors de marketing, que n'a pas jamei hèit arren de la soa vita artistica (jo tanpauc, d'acòrd, mès digun parla pas de jo dens los mediàs, e urosament), e que digun coneish pas... mei d'aquò parlam quitament pas d'artistic dens aqueth "article", sinon de la naishéncia de sa droleta. premsa de paparazzi ?
defénder la mèrda que tf1, rmc e m6 mobile rebolan cada dia shens nos deishar nada causida, aquò's pas defénder la cultura populària. es idealisma populista, d'un cèrt biaish. vedi pas çò que jornalet hè aquí dedens. i a tant d'autas causas per parlar, qu'interessarén las gents cent còps mei.
o alavetz Jornalet a vocacion de vàder lo "Gala" o lo "Hola" occitan. dens aqueth càs jo n'i èi pas mei arren de hèser. desolat d'èster "elitiste", s'es atau que vedetz las causas.

  • 6
  • 2
BOURDON Pau
11.

#10 Qu'ei estranh, açò: "Quen tiran un còp a gaucha, un còp a dreta, un còp ensús, un còp envath, a le hèita fin, comprénem pas mé çò que vòs." Qu'ei ua idea de har "clans", fin finala, non ?

  • 1
  • 0
Castèths
10.

#8 Purmèr, sui pas gasconiste, ni arren en "iste".
De dus, que dehèni lo gascon quen puish, e quen i a un ligam dab l'article.
Tres, qu'aurí avut le medisha reaccion en francés sus aquera infò : qu'es pieatadós de nes vir har cagar dab aquò.
Quate : nada leccon de le toa part. Quen tiran un còp a gaucha, un còp a dreta, un còp ensús, un còp envath, a le hèita fin, comprénem pas mé çò que vòs. Qu'ès un virolet. E un maishant virolet.
Cinc : conéishes aqueth disedeir : "Amic de cadun, amic de digun ?". Per tu, que'u senti mélèu atau : "Amic de digun, amic de digun".
Sheis : amistats.

  • 0
  • 0

Escriu un comentari sus aqueste article