Actualitats
L’Euroregion Pirenèus-Mediterranèa impulsa de projèctes partejats entre las illas Balearas, Catalonha e la region dicha Occitània
Lo projècte Zum Zum, dirigit per Ampli Productora, se desvolopa gràcias al fach que foguèt un dels projèctes seleccionats arunan
Tèxte legit
L’Euroregion Pirenèus-Mediterranèa, entitat transfrontalièra que ne fan partida lo govèrn de las illas Balearas, la Generalitat de Catalonha e la region sonada Occitània, a convocat recentament una nòva linha budgetària d’ajudas a de projèctes culturals. La tòca d’aquelas ajudas es de promòure la diversitat culturala dins l’Euroregion e una cultura dobèrta al bacin mediterranèu e en solidaritat amb d’autres territòris, particularament en sosten al desvolopament e la creacion artistica en totas sas formas e en la promocion de tot son patrimòni.
A la crida a projèctes d’ongan, amb un budget total d’ajudas de 125 000 èuros, s’es presentat 14 candidaturas, amb 32 associacions participantas, dont 4 per d’associacions de la region dicha Occitània, 3 per d’associacions de las illas Balearas e 7 per d’entitats del Principat de Catalonha.
L’an passat, se seleccionèt 6 projèctes. Un d’eles es Zum Zum, dirigit per Ampli Productora, membre de la plantolièra d’enterpresas nòrd-catalana Pôle Action Média. Zum Zum serà una revista culturala centrada sus la creacion contemporanèa e la scèna emergenta de l’Euroregion, a partir d’una redaccion plenament euregionala, que jòga sul dinamisme e sus una jove creativat, en comptant sus l’engatjament de las tres grandas televisions publicas de l’Euroregion: France 3, TV3 e IB3. Una participacion conjoncha que serà pionièra. Una novetat estimulanta que, dins d’autres territòris transfrontalièrs es ja una tradicion, coma es lo cas de las televisions publicas europèas de la francofonia o de la germanofonia.
Zum Zum tocarà un larga tièra de camps artistics: teatre, dança, musica, pintura, escultura, animacion, cinèma, arts de carrièra, benda dessenhada o literatura, amb una proposicion audiovisuala que mena l’espectator a viure una experiéncia immersiva amb la còla de rodatge.
Son impulsor, lo jornalista e productor audiovisual Sébastien Girard, soslinha que lo projècte “vòl èsser una connexion delà las frontièras, en metent l’accent sus l’eclectisme de las lengas, de las istòrias e dels personatges culturals e artistics de l’Euroregion”.
En mai de l’emission televisiva, Zum Zum vòl aver una vida pròpria suls rets socials amb de contenguts especifics.
A la crida a projèctes d’ongan, amb un budget total d’ajudas de 125 000 èuros, s’es presentat 14 candidaturas, amb 32 associacions participantas, dont 4 per d’associacions de la region dicha Occitània, 3 per d’associacions de las illas Balearas e 7 per d’entitats del Principat de Catalonha.
L’an passat, se seleccionèt 6 projèctes. Un d’eles es Zum Zum, dirigit per Ampli Productora, membre de la plantolièra d’enterpresas nòrd-catalana Pôle Action Média. Zum Zum serà una revista culturala centrada sus la creacion contemporanèa e la scèna emergenta de l’Euroregion, a partir d’una redaccion plenament euregionala, que jòga sul dinamisme e sus una jove creativat, en comptant sus l’engatjament de las tres grandas televisions publicas de l’Euroregion: France 3, TV3 e IB3. Una participacion conjoncha que serà pionièra. Una novetat estimulanta que, dins d’autres territòris transfrontalièrs es ja una tradicion, coma es lo cas de las televisions publicas europèas de la francofonia o de la germanofonia.
Zum Zum tocarà un larga tièra de camps artistics: teatre, dança, musica, pintura, escultura, animacion, cinèma, arts de carrièra, benda dessenhada o literatura, amb una proposicion audiovisuala que mena l’espectator a viure una experiéncia immersiva amb la còla de rodatge.
Son impulsor, lo jornalista e productor audiovisual Sébastien Girard, soslinha que lo projècte “vòl èsser una connexion delà las frontièras, en metent l’accent sus l’eclectisme de las lengas, de las istòrias e dels personatges culturals e artistics de l’Euroregion”.
En mai de l’emission televisiva, Zum Zum vòl aver una vida pròpria suls rets socials amb de contenguts especifics.
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
#1 Òc. Ieu tanben, ai pas legit endacòm dins "Jornalet" "la region dicha Bretanha", o "la region dicha Catalonha", o quitament "la nacion dicha França" (vertat ? Nòva Caledonia, Corsega, Guaina, Martinica, es la nacion francesa, per contra, pas Walonia ?)... Pas besonh d'anar a París per aver d'Occitan-bashing : sufís de legir "Jornalet".
Mai precisament "la dicha euroregion Pirenèus-Mediterranèa (caup solament una part dels Pirenèus e una part pichoneta de Mediterranèa) impulsa de projèctes partejats entre las illas Balearas, l'autonomia dicha Catalonha (que ne caup solament una part de Catalonha e una part pichona d'Occitània) e la region dicha Occitània (que caup solament una part d'Occitània).
La geografia es una sciença malaisida, mas ai pas legit dins las paginas de Jornalet (e urosament) un tal usage per d'autras regions (Euskadi, Bretanha, Catalonha, Irlanda...) qu'an per nom oficial un toponime que designa tanben un domèni mai larg.
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari