Actualitats
Eric Fraj nos dona “la Vida” per present
Per festejar sos 50 ans de cançon en occitan, presenta un album amb 50 cançons fachas especificament per aquel trabalh
Tèxte legit
Per festejar sos 50 ans de cançon en occitan, Eric Fraj nos ofrís un present monumental: 50 cançons dins un triple album entitolat La Vida, publicat per Tròba Vox. Se tracta de 45 cançons ineditas que Fraj a compausadas especificament per aquel album, e de 5 represas amb d’adobaments novèls faches sus mesura, tanben per aquesta escomesa. “En occitan, catalan, castelhan, italian o francés, cada cançon es una creacion musicala especifica per aqueste CD, dins l’eclectisme estilistic qu’aimi, aitan musical (tango, reggae, baladas, blues, jazz, flamenco, etc.)”, çò explica lo cantautor de Carbona.
“La vida ven de me far un present: 50 ans de cançon!”, çò comença l’escrich de Fraj sus la pocheta de l’album. Mai endavant precisa que per sa votz “i cantan d’autras voses celèbras o anonimas, de luènh o de prèp vengudas: de Villon a Bodon, en passant per Bernat Sicard de Maruèjols, Pèire Cardenal, Antonin Perbòsc, Andrieu Lagarda, Robèrt Martí, Joan Rigosta, Domenica Decamps, Danièla Estèbe-Hoursiangou, Joan-Loís Baradat, Joan-Claudi Forêt, Pere Figueres, e mos propris tèxtes, evòcan los secrets d’aquel viatge estranh que vivèm.” D’ajustar que i a de cançons escrichas sus las paraulas de Rambaud de Vaqueiràs e del cantador catalan Joan Isaac.
E cal dire, qu’en mai d’èsser un dels musicians mai prolifics de la scèna occitana, Fraj es tanben un dels pus grands coneisseires de la creacion literària e musicala del país nòstre. Es benlèu per aquò que dins La Vida escotarem las voses, entre tant, de Muriel Batbie Castell, de Pascala Respaud, de Sarah Fraj e de Guillaume López que Fraj qualifica de “complice de 20 ans”. A l’album participam d’artistas de tria, tant a la musica coma al grafisme que ten d’illustracions de Didier Mir. A mai, i a de suspresas que desvelarem pas per gastar pas lo plaser de la descobèrta.
Un present de tria que non podèm que mercejar fòrça.
“La vida ven de me far un present: 50 ans de cançon!”, çò comença l’escrich de Fraj sus la pocheta de l’album. Mai endavant precisa que per sa votz “i cantan d’autras voses celèbras o anonimas, de luènh o de prèp vengudas: de Villon a Bodon, en passant per Bernat Sicard de Maruèjols, Pèire Cardenal, Antonin Perbòsc, Andrieu Lagarda, Robèrt Martí, Joan Rigosta, Domenica Decamps, Danièla Estèbe-Hoursiangou, Joan-Loís Baradat, Joan-Claudi Forêt, Pere Figueres, e mos propris tèxtes, evòcan los secrets d’aquel viatge estranh que vivèm.” D’ajustar que i a de cançons escrichas sus las paraulas de Rambaud de Vaqueiràs e del cantador catalan Joan Isaac.
E cal dire, qu’en mai d’èsser un dels musicians mai prolifics de la scèna occitana, Fraj es tanben un dels pus grands coneisseires de la creacion literària e musicala del país nòstre. Es benlèu per aquò que dins La Vida escotarem las voses, entre tant, de Muriel Batbie Castell, de Pascala Respaud, de Sarah Fraj e de Guillaume López que Fraj qualifica de “complice de 20 ans”. A l’album participam d’artistas de tria, tant a la musica coma al grafisme que ten d’illustracions de Didier Mir. A mai, i a de suspresas que desvelarem pas per gastar pas lo plaser de la descobèrta.
Un present de tria que non podèm que mercejar fòrça.
/image%2F4103223%2F20220425%2Fob_632c5f_fraj-1.PNG) | FRAJ, Eric. La Vida. Triple CD. Tròba Vox, 2022. 3 CD’s, 50 cançons. 20 èuros. |
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari