Actualitats
En Russia an arrestat la jornalista que protestèt en dirècte contra la guèrra
Marina Ovsiannikova l’an arrestada qualques jorns après que protestèt tota sola près del Kremlin contra l’invasion d’Ucraïna
Tèxte legit
La polícia de Russia a arrestat la jornalista Marina Ovsiannikova, qu’en març passat interrompèt una emission de television en dirècte per denonciar l’invasion d’Ucraïna. “Marina l’an detenguda. Se sap pas ont es”, çò ditz un messatge publicat sus Instagram e Telegram, acompanhat de fòtos que mòstran cossí la menan dos agents.
La jornalista l’an detenguda qualques jorns après que protestèt tota sola près del Kremlin amb una bandeiròla que denonciava, tornarmai, l’invasion d’Ucraïna e criticava lo president del país, Vladimir Putin.
La jornalista publiquèt dimenge un long messatge sus Instagram que disiá qu’aviá “pas paur d’èsser detenguda”, en soslinhant qu’”aqueles mostres immorals qu’an començat una guèrra pòdon far en Russia qué que siá a quina persona decenta que siá”.
Dins aquel sens, diguèt que sa darrièra protèsta èra restacada al bombardament recent contra Vinnytsia, e denoncièt que “los mèdias de comunicacion e propaganda avián pas dich un mot sus la mòrt de mainatges” dins aquel bombardament.
Remarquèt tanben a aquel prepaus que mai de 350 enfants èran mòrts pendent la guèrra, e se demandèt: “Quantes enfants mai devon morir per que las tropas russas quiten de bombardar Ucraïna?”. “Aqueles enfants son venguts de simples peons dins una lucha feròtja pel poder, l’influéncia, los gasoductes e los pòrts ceralièrs”, çò concluguèt.
Ovsiannikova, que trabalhava pel Canal 1, interrompèt las emissions lo 14 de març amb una bandeiròla per protestar contra l’invasion d’Ucraïna, malgrat l’enebicion que la fasiá lo Kremlin als jornalistas de parlar de “guèrra”, que las autoritats russas nomenan “operacion especiala”. Per aquela rason, foguèt condemnada a pagar una multa de 30 000 robles (255 èuros) per “aver organizat un eveniment public sens autorizacion”.
La jornalista l’an detenguda qualques jorns après que protestèt tota sola près del Kremlin amb una bandeiròla que denonciava, tornarmai, l’invasion d’Ucraïna e criticava lo president del país, Vladimir Putin.
La jornalista publiquèt dimenge un long messatge sus Instagram que disiá qu’aviá “pas paur d’èsser detenguda”, en soslinhant qu’”aqueles mostres immorals qu’an començat una guèrra pòdon far en Russia qué que siá a quina persona decenta que siá”.
Dins aquel sens, diguèt que sa darrièra protèsta èra restacada al bombardament recent contra Vinnytsia, e denoncièt que “los mèdias de comunicacion e propaganda avián pas dich un mot sus la mòrt de mainatges” dins aquel bombardament.
Remarquèt tanben a aquel prepaus que mai de 350 enfants èran mòrts pendent la guèrra, e se demandèt: “Quantes enfants mai devon morir per que las tropas russas quiten de bombardar Ucraïna?”. “Aqueles enfants son venguts de simples peons dins una lucha feròtja pel poder, l’influéncia, los gasoductes e los pòrts ceralièrs”, çò concluguèt.
Ovsiannikova, que trabalhava pel Canal 1, interrompèt las emissions lo 14 de març amb una bandeiròla per protestar contra l’invasion d’Ucraïna, malgrat l’enebicion que la fasiá lo Kremlin als jornalistas de parlar de “guèrra”, que las autoritats russas nomenan “operacion especiala”. Per aquela rason, foguèt condemnada a pagar una multa de 30 000 robles (255 èuros) per “aver organizat un eveniment public sens autorizacion”.
Maria Ovsyannikova's telegram channel posted photos from Maria's detention. pic.twitter.com/ffG6YMYo8a
— NEXTA (@nexta_tv) July 17, 2022
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
I a pas cap de comentari
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari