Bandièra01 1180x150: País Invisible

Actualitats

Cors de lengua occitana en Madrid

Era Delegacion deth Govèrn dera Generalitat de Catalonha qu’incorpòre er occitan ara sua aufèrta de corsi de lengua. Entà començar se propòse un cors d’aranés A1

| Centre Cultural Blanquerna - Generalitat de Catalunya

Tèxte legit

A compdar d’octobre se poderà apréner occitan en Madrid a iniciatiua dera Delegacion deth Govèrn dera Generalitat de Catalonha. Es corsi s’amiaràn a bon tèrme damb era collaboracion deth Conselh Generau d’Aran e der Institut d’Estudis Aranesi- Acadèmia Aranesa dera Lengua Occitana.
 
Ath començament s’aufrirà un cors d’occitan aranés A1 de 60 ores en orari de dijaus de 18h00h a 20h00. Totun, ei previst qu’enes annades successives s’aumenten es nivèus e es oraris.
 
Era Delegacion deth Govèrn dera Generalitat de Catalonha en Madrid que propòse corsi de catalan d’ençà der an 1993. Enguan, damb era inauguracion d’un nau espaci consagrat ar ensenhament des lengües, s’incorpòre er occitan aranés. Ath delà, ei prevista era difusion dera realitat lingüistica d’Aran e dera rèsta d’Occitània en caplòc espanhòu.
 
Es corsi auràn lòc en Centre Culturau Libraria Blanquerna. Entà mès informacion podetz escríuer a ellengues.presidencia(a)gencat.cat o enviar messatge per WhatsApp ath (+34) 677 388 891.

 
 
 
abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris


I a pas cap de comentari

Escriu un comentari sus aqueste article