Bandièra01 capçalera  1180x150: Novestivada

Actualitats

La CE prevei de reduccions obligatòrias de consum de gas

Las mesuras seràn volontàrias pendent l’estiu, mas poiràn èsser obligatòrias se la crisi amb Russia s’agrèuja

Tèxte legit

La Comission Europèa (CE) a prepausat un plan d’emergéncia en prevision de la manca absoluda de gas sortit de Russia. Es una tièra de mesuras qu’aqueste estiu seràn volontàrias mas que pòdon venir obligatòrias.
 
La CE suggerís una reduccion del 15% del consum de gas total de cada estat de l’UE dins los 8 meses avenidors. Aquela chifra poiriá cambiar.
 
Se demanda que los estats prepausen d’ajudas a las indústrias e que las societats que produson d’electricitat càmbien lors combustibles abituals per de fonts alternativas coma l’energia solara, la biomassa d’origina duradissa, lo biometan sortit de las bordilhas... e tanben que s’emplegue d’oxigèn en plaça del gas.
 
En mai d’aquò, Brussèlas pensa de cercar de reformar lo mercat de l’electricitat amb la tòca de reduire lo consum de gas. Ara per ara, lo prètz es marcat segon la darrièra font de produccion, e doncas los productors d’electricitat se servisson totjorn del gas per la vendre pus cara.

 
 
 

 
abonar los amics de Jornalet
 

Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.

Comentaris

Franc Bardòu
1.

A partir del moment que non avèm mai de gaz a dispausicion, ten del truïsme nèci lo fait de ne constatar la consomacion probabla redusida.

  • 10
  • 1

Escriu un comentari sus aqueste article