Actualitats
L’OMS declara la picòta dels monards “una urgéncia de santat publica de portada internacionala”
Tedros Adhanom faguèt aquela declaracion dissabte passat, e mai lo grop d’expèrts de l’OMS aguèsse pas atench un consens
Tèxte legit
Tedros Adhanom faguèt aquela declaracion dissabte passat, malgrat que lo grop d’expèrts de l’OMS aguèsse pas atench un consens. Pasmens, el comprenguèt que l’epidemia complissiá totas las requeréncias per èsser declarada urgéncia internacionala. “Avèm una epidemia que s’es propagada dins lo Mond entièr fòrça lèu, per mejan de nòus biaisses de transmission, que d’ela ne sabèm pas grand causa e que complís los critèris del Reglament Sanitari Internacional”, çò precisèt dins una conferéncia de premsa.
En mai d’aquò, Ghebreyesus assegurèt, en tèrmes generals, que “l’avaloracion de l’OMS es que lo risc de la picòta dels monards es moderat a l’escala mondiala e dins totas las regions, franc de la region europèa, ont s’avalora lo risc coma naut”.
Pendent la compareissença, lo doctor assabentèt de las darrièras donadas d’infeccions: mai de 16 000 cases enregistrats dins 75 païses que s’i an notificat 5 mòrts.
Los simptòmas
Los simptòmas d’aquesta malautiá en los umans son semblables als de la picòta, mas un pauc mai leugièrs. Començan amb de fèbre, un mal de cap, un mal d’esquina, de dolors musculars, de fremiments e d’aganiment. La principala diferéncia entre los simptòmas de las doas malautiás es que la picòta dels monards causa l'infeccion de las glandolas linfatics del pacient.
Es abitual que los infectats desvolopen una erupcion, que comença sovent a la cara e en seguida s’estend en d’autras parts del còrs, sustot a las mans e als pès. Puèi, l’erupcion ten divèrsas estapas fins a formar una crosta e tombar.
La malautiá dura de costuma entre doas setmanas e quatre. Se crei que se transmet amb la saliva e d’autras excrecions respiratòrias, o ben per contacte amb l’exsudat de la lesion o la matèria de la crosta. L’excrecion virala per las matèrias fecalas poiriá tanben èsser una font d’exposicion.
Las donadas disponiblas indican que los rosegaires africans agisson coma d’òstes naturals de la malautiá. Lo virus de la picòta dels monards es capable d’infectar d’esquiròls, de rats, de mirguetas, de monards, de cans de prada e, de tot segur, d’umans.
With the tools we have right now, we can stop #monkeypox transmission and bring this outbreak under control. It’s essential that all countries work closely with affected communities to adopt measures that protect their health, human rights and dignity.pic.twitter.com/DqyvRtB8w2
— Tedros Adhanom Ghebreyesus (@DrTedros) July 23, 2022
Què és la verola del mico? Què haig de fer si em contagio?
— Fundació Lluita contra les Infeccions (@Fundacio_Lluita) July 14, 2022
El Dr. @oriolmitja, metge investigador, ens resol aquestes i altres qüestions!#veroladelmico#lluita#infeccions#monkeypox#investigaciópic.twitter.com/giUNq5UrSb
Jornalet es possible gràcias al sosten economic e jornalistic dels legeires e benevòls. Se lo podètz sosténer en venent sòci dels Amics del Jornalet o de l'Associacion ADÒC, o tot simplament en fasent un don, atal contribuiretz a far un mèdia mai independent e de melhora qualitat.
Urgencia, urgéncia, urgéncia, urgéncia.... URGENCIA....
Au nom de l'urgéncia,
Au nom de l'urgéncia,
Au nom de l'urgéncia
Que fariam, pas,
qu'aceptariam pas.
Urgéncia, escriche ton nom,
Ses la lei que remplaça totas las leis de Diu, coma de la Republica,
Que ton nom siaja sanctifia e ta volontat realisada sur terra coma au ciau.
Urgéncia, cresa pus en tu. Ta paur es teu, ta paur es pas meu!
Vòstre comentari es a mand d’èsser validat. Per terminar lo procès de validacion, vos cal encara clicar sul ligam qu’anatz recebre per e-mail a l’adreiça qu’avètz indicada.
Escriu un comentari sus aqueste article
Senhala aqueste comentari